A letter from September 27th, 2016

Dear FutureMe, أكتر حاجه وصلتنى للى أنا فيه دا إنى توقعت أكتر من اللازم ، مافتكرش مره إستنيت حاجه من حد ولو حتى كلمه ، تقريبًا المُشكله بدأت من هنا ، بدأت لما صدقت إن توقعاتى دى هتتحقق أنا لسه عينى ع الباب على فكره ومستنيه باب يدخل منه علشان يطبطب عليا علشان سقطت ، عدى ٣ سنين ولسه مستنياه بردو وأنا عارفه إنه مش هييجى مش عارفه أكتب بس مش عايزه أسيب نفسى لدماغى علشان هتقتلنى فى خلال دقايق ، كُنت دايمًا بكتب عنك وإنت عارف دا بس دى آخر مره هكتب عنك فيها يا .... أعتقد باين كُنت صديق ؟! ، دا اللى عقلى المحدود وصلهولى مانكرش إن الحياه من غيرك هتكون فاضيه شويه ، مش هلاقى حد أفكر فيه ٢٤ ساعه ومش هلاقى حد أكتبله تانى ، أظن كدا هتكون فاضيه زياده عن اللازم أنا عايزه أعيط على فكره وكتير جدًا كمان بس مفيش دموع ، ماتصدمتش من رسالتك خالص ، وضحكت لما قولتلى على موضوع إنك كُنت بتحب واحده وقفلت على نفسك من بعدها ، كان نفسى تقول حاجه تفآجئنى أو حاجه معرفهاش أنا عينى مابقتش على الباب تانى علشان تستناك ، إنت شيلت الباب دا وحطيت مليون حيطه بداله ، معقول طول الوقت دا كُنت مُجرد صديقه ، يعنى إزاى ؟ ، هو إيه دا ؟ ، إنت مصدق نفسك بجد ؟ ، لأ أنا مش فاهمه حاجه ! ، ومش عايزه أفهم تانى كفايه كدا ، بس حاجه تبسط وإنت بتقولى لو قفلت أكونت الفيس وعملت واحد خاص بعيلتى هتبقى أول واحده موجوده عليه ، أنا عايزه أضحك بس حُزنى أكبر من إنى أسخر منه أوى كدا ، أنا عايزه الزمن يرجع ساعه علشان أسألك هو أنا بالنسبالك إيه ؟ ، أنا مش عارفه أبقى إيه بس عايزه أعرف أو مش عايزه أعرف حاجه تانى خلاص ، هو إيه اللى هيفيد يعنى لو عرفت دلوقتى ؟ ، مش كان الأحرى بيا أعرف ف الأول أهو يمكن ماكونتش وصلت للنتيجه دى فرحت لما أصحابى قالولى أول يوم كُليه إن شكلى Fall in love ، تفتكر حد هيآخد باله إنى بقيت Broken heart النهارده ؟ ، أنا مش زعلانه بس الخُذلان وحش وإنت خذلتنى وعارف إن معنديش حد هحكيله زى ما كُنت بحكيلك ومش عايزه أحكى حاجه تانى ، دماغى هتنفجر من الصداع بس أنا أستاهل أكتر من كدا بكتير ، هو أنا بجد أستاهل ؟ ، يعنى جايز لأ ، تصدق إنى مُمكن أكتب حاجات كتير هبله دلوقتى ، يعنى مُمكن أحكى عن الحاجات المستفزه اللى مُمكن أعملها علشان تكلمنى ولو حتى خناق ، مُمكن أتكلم عن صوتك لما بتتعصب أو نرفزتك لما بعمل حاجه غبيه ، مُمكن أكتب عن أى حاجه بالنسبالكم ملهاش لازمه بس ماتبقاش دى آخر مره أكتب فيها عنه ، تفتكروا هنتكلم تانى ؟ ، يعنى حتى لو أصدقاء إيه دا بس هو مش صديقى باين ، لأ مابقتش عارفه دى طب أنا مش عايزه أموت من غير ما أعرف هو أنا كُنت بالنسباله إيه ، بيفكر إنى حزينه بسببه دلوقتى ؟ ، أو حتى خد باله إنه زعلنى ، هو إيه اللى أنا فيه دا ؟ ، دانا لسه قيلاله إنى كبرت وفهمت كُل حاجه ، بس لسه مافهمتوش ، لسه مسألتوش كانت إيه أمنيته ليا ف يوم عيد ميلادى ، جايز مبقاش موجوده ف عيد ميلادى الجاى علشان أسئله عليها ، هيفيد بإيه إنى أعرف يعنى ؟ ، أنا مش عارفه إذا كُنت عايزه أعرف ولا لأ ! الحاجه الوحيده اللى عرفاها ومُتأكده منها إنه خذلنى جدًا ، أنا عايزه أنام بس عقلى بيعاقبنى وعايز يصحى يفكرنى كام مره قالى إبعدى ، أنا مش مستوعبه اللى بيحصل دا ومش مصدقاه ، قُريب يمكن كل حاجه تتصلح ، لأ ماعتقدش بس أنا كويسه ومش زعلانه منه قد ما زعلانه عليا .