A letter from Mar 08, 2025

Dear FutureMe, ملحوظه (متنسيش تصوري و انتِ بتقرأي ) اولا كل سنه و انتِ طيبه يا أعز ما املك ، ثانيا بتمني اليوم يمشي زي ما انتِ مخططه ، ممكن يكون كلامي متلخبط في الأول بس عشان الموضوع جديد عليا مش اكتر . انا واثقه انك و انتِ بتقرأي الرساله دي دلوقتي هتكوني نفذتي كل البلان اللي انتِ حطاها و هتكوني نسخه احسن مني و معدله اكتر ،انا عامه هحاول بكل طاقتي و اكتر كمان عشان انفذ البلان اللي احنا حطينها لنفسنا . بس برضه عيزاكي تعرفي اني هكون فخوره بيكي في اي حاله من الحالات و انتِ هتفضلي اشطر و احلي واحده في الحياه مهما كان ال live stayl بتاعك ايه. و خليكي عارفه ديما انك قد اي حاجه بجد مش مجرد كلام و خلاص ، و افتكري ديما انك تتحبي كلك علي بعضك كده مميزاتك ، عيوبك ، شكلك ، لبسك ، طريقه حياتك ، أفكارك، حتي عقدك النفسيه تتحب ، و إياكي تسمحي لحد مهما كان مين يحسسك بعكس كده. وصتي الوحيده ليكي و اللي عمري ما هسامحك عليها لو معملتيش بيها انه مهما حصل مهما حصل متبعديش عن ربنا اياكي تقطعي الصله اللي بينك و بينه أصله مفيش غيره حاسس بيكي و محدش هيهون عليكي قده فخليكي ديما علي صله معاه مهما كان ايه الذنب اللي بتعمليه و ربنا ما يجيب ذنوب . و اه عشان خطري متمشيش مع القطيع مهما ما يبان انه صح ، امشي بدماغك انتِ بس ، و اياكي تخلي حد في حياتك بيقدملك اقل مما انتِ تستاهليه، انتِ غاليه اوي و شاطره اوي و جمليه اوي اوي و مفيش زيك اتنين حرفيا مش مجرد كلام،و انا واثقه في ربنا ثم فيكي انك هتكوني عظيمه اوي و ناجحه اوي في الحاجه اللي تناسبك و تريحك . و عندي ثقه كبيره اوي انك هتعيشي احلي و الطف و احن حياه زوجيه زي ما بتتمني بظبط. و في الخاتم احلم اتمنالك حياه مليئه بالخير و الحب و الدفي و الحنيه يا احن و اشطر و أجمل كتكوته .