A letter from Jan 22, 2025

Dear FutureMe, إزيك يا سنادس عاملة ايه، إن شاء الله تكوني أحسن الفترة الجاية وتكوني بدأتي فى الخطة إللي حطناها لنفسنا فى بداية سنة 2025 حتي لو مبدأتيش وحصل أي حاجة إبدأي تاني دي عادتنا صح :) نتأخر مهما نتأخر بس مسيرنا هنبدأ تاني ونقوم متعودين إننا نقوم دائما يا سندس :) شكرًا لأنك بتعافري رغم الفترة الصعبة اللي عدناها من أول ايام الثانوي، شكرًا لأنك كنتي جدعة و وقفتي معا والدك من أيام الثانوي ، شكرًا لأنك ساعدتيني أتخطي بداية مرحلة الكلية وإنفصالي عن شلة صحابي، شكرًا لأنك دائمًا بتفكريني بربنا وبتاخدي بايدي للطريق ليه وأخيرًا لأول مرة من 4 او 5 سنين هكتبلك يا سندس مكنتش قادرة أكتب أخيرًا هكتبلك بعض اللي جوايا، أخيرًا بدأت أتحرر من عقبات كنا حاطينها لنفسنا في التعبير وكان صعب علينا :) الحمدلله رغم كل التعب والظروف اللي عدينا منها إلا انك كنت محافظة علي baby steps انا فخورة بيكي إنك فضلتي مستمرة رغم كل العقبات اللي كانت قدامنا ورغم كل حاجة هزت كيانك إلا إن الحمدلله ربنا ثبتنا إكتشفت النهاردة اننا كمان لازم نركز علي نقاط ضعفك و قوتك متهمليش أي حاجة منهم وإدي لنفسك براح يا سندستي من الوقت للتاني عشان متتحرقيش يا روح الروح وخدي وقت للتاني انك ترتاحي من فضلك فرقت معايا يا سندس مع تمارين التنفس العميق، إدي نفسك فرصة ترتاحي عشان تقدري تكملي. و إوعي تنسيني حتي لو بعد 6 شهور معرفتيش تكتبي أنا جزء منك وهفضل معاكي حتي لو قاعدين ساكتين و بنلعب بس والتعبير اتخلي عنا تاني. إن شاء الله كمان كام يوم هبدأ تدريب فى شركة الخطة أول وظيفة full time ليا في حياتي إن شاء الله خلال 6 شهور دول نكون ماشيين ومحافظين علي الخطة بتاعتنا بتاعة السنة انا بحبك أوي يا سندس <3