A letter from Aug 08, 2023

ريتاجي .. ما اتذكر بالضبط انا وش كتبت برسالتي الاولى بس متأكده ان مشاعري ماكانت واضحه وقدرتي على التعبير ماكانت كافيه انا رجعت اكتب لأني ماحسيت ان رساله وحده كانت بتوصف حبي لك .. ريتاج تعرفين وقت تصحين من كابوس والخوف الي يجيك هذا الخوف كان ملازمني لفتره طويله لمشاكل كانت تصير بس انتي كنتي دايم موجوده كنتي دايم انتي اماني وطمأنينتي كنت بكل لحظه اخاف فيها كنت ارسلك وانا متأكده انك بتحتويني وبتحبيني وبتحميني النجاه من خوفي هي اني اكون معك شعوري معك غير مره غير عن اي شخص ممكن الناس يعتبرونه علاقه طويله وبس تقدير للمده الي حنا فيه بس انا لا جد اعتبرها علاقه امان وحب وطمأنينه مستمره معك علاقتنا مختلفه ومميزه عن اي شخص مستحيل اني اقدر احب شخص غيرك بنفس الحب الي حبيتك فيه حتى وان تفرقنا او صارت مشكله بينا بتبقين انتي الشخص المفضل عندي انا مره تعرضت لخيبات بحكم اني غبيه اعطي مشاعري بشكل مبالغ فيه بس كنت دايم عارفه مهما تعرضت لخيبه بتبقين انتي الجائزه الوحيده لي من ذي الحياه اقول ببالي دام ريتاج لسا معاي انا بخير ممكن اتأثر شوي من غياب شخص بس وجودك يعوض عن كل شخص وجودك معي هو اماني وطمأنينتي حتى وانتي بعيده عني مافي لا شخص واقعي ولا الكتروني بيقدر يحصل على نفس مكانتك عندي يمكن وقت توصلك الرساله بتكونين خلاص تخرجتي من الثانويه انا فخوره فيك من الحين فخوره باللي تسوينه وتقدمينه احبك كثير ريتاجي و حرفيا مستعده اسوي اي شي وكل شي عشان سعادتك بس عشان اشوف الابتسامه المُذهله الي بوجهك اسوي كل شي عشانها انا مستعده اخذ كل حزنك وضيقتك والضغط واي شي ممكن يخليك تحزنين منك واحطه فيني بس عشان سعادتك ومستحيل اندم ابدا اني سويت ذا الشي سعادتك مره قيمه عندي اشكر ربي اني تقربت منك وحبيتك كل ذا الحب ولو رجعت الايام برجع اسوي نفس الشي وبرجع احبك وبتقرب منك تخيلاتي كثير بس لما افكر بتاريخ توصلك الرساله افكر اننا بنقراها مع بعض افكر انا بنكون بنفس المكان وقت نقراها افكر اننا بنكون تقابلنا واخيرا يمكن اقراها وانا بحضنك ومعك وانا افكر في الموضوع الحين بكيت ودمعت بس انا عندي امل للحين اننا بنتقابل وبحاول اسوي كل شي عشان احقق ذا الحلم الجميل احبك يا نجاتي من كل مايُخيفُني.