A letter from Apr 08, 2023

اليوم احنا بنص رمضان 2023 ، رمضان الي صمته بـ رحيمه بدوني 💔 ان شاء الله معوضني بالرمضانات الي بعدها (معوضني مو كارفني يارب) يا اغلى شي بدنيتي يا اكثر شي احبه واكثر شي واثقه بحبه لين اموت ، مر ٣ سنوات وزياده وحبك بقلبي والله يزيد مايقل ليششش عجزت اعرف ليش جت مواقف والله كانت صعبه وواجد معك مواقف مهما افكر مالقا لها حل غير اني مفروض اعز نفسي واروح بس دايما دايماً بهالمواقف اثق بمشاعرك واحسسس فيها رغم ان كل شي وقتها عكس هالثقه بس اثق واقعد اثق واحبك اكثر رغم ذا كله ، لهدرجه احبك قربك والله احلى شي صار لي بحياتي كلها واكثر شي بنكسر لو فقدته الله لايوريني يوم بدونك ويارب اذا وصلتك هذي اكون لسا معك وتكون باقي تحبني نفس الحب وتكون صرت فللل شيب ويعطونك اكبر من عمرك عشان ماتحلا الا بعيني ويارب انا اكون مبينه اصغر منك ب ١٠ سنوات وحلوه دبل الحين بعيونك 💅🏻 يارب توصلك وانت تخطيت كل شي شين واكون تطمنت عليك وعلى نفسيتك ، شايله همك طول هالشهرين الماضيه بطريقه تتتعب مو الهم السهل الي بطاردك وازن تنتبه وتاخذ علاجك لا الهم الي ماعرف شسوي اخاف اتعبك زياده احاول انتبه من بعيد رغم اني والله ماعرف كيف مفروض اتصرف كنت احسب اهتمام عادي وكلام يحل الموضوع بس لما كنا قاعدين بالكوفي قبل شهرين الي بسطح ونسولف وجلست اسألك "وش تحس الحين ؟ مستانس ولالا ؟ " رغم انك مارديت بس وجهك وردة فعلك عورت قلبييي مدري حسيت مو قادر تجاوب او ماتبي تجاوب وتزعلني بس ماقدرت اتخطى الموقف زعلت من نفسي لاني حزتها طايره من الفرح واحس بكل الاحاسيس الحلوه لاني جمبك ونتقهوى والجو حلو زعلت لانك ماتحس نفس الشي ولاني مو قادره اقاسمك الشعور رغم اننا نعيش نفس الشي استوعبت ان مو اهتمام وكلام ومطارد يساعد طلععع معقد مدري ماحس اعرف وجالسه احاول خذت ٣ كتب قبل شهر من المكتبه كلها حقت اكتئاب وصفحاتها مره قليل بس خذت فيهااا شهر كاملللل اقرأ الصفحه ٣ مرات عشان استوعب واستفيد بس صعببب باقي يارب اكون تطمنت عليك وماتكون تعبت اكثر واصلاً اثق والله انك بتكون تجاوزت ذا كله لانك دايم اذا تبي شي توصل له لانك حمودي الي من عرفته مخليني فخوره فيه 🥺♥️ والله احبك يا حبيبي وروحي ورضاي وراحتي متأكده اننا سوا وقت ماتوصلك وبتوريني اياها وتضحك بس in case يعني ماكنا سوا كلمني باحسن اسلوب عندك حتى لو بينا مشاكل كثر الدنيا كلمني وورني رسالتي ذي لاني اثق مهما تمر من السنين ومهما يصير من مشاكل وبعد قلبي داااايم يفز لك و لكلامك