A letter from Jun 08, 2022

صباح الخير او مساء الخير في كل حال .. كيفك سلطانه؟ كيفك يا أنا ؟ كيف الحياه معك؟ اتمنى ماتكونين في حاله تتطلب انك تشتاقين لي اعرف اني الان مو في اسوء الحالات لكن اتمنى انك بأفضل حال انتي حلمي وطموحي اتمنى حققتي كل امنياتنا ؟ تخرجتي من علوم الحاسب؟ بمعدل جيّد؟ توظفتي؟ استقليتي؟ اتبعتي نظام صحي جيّد ؟ دخلتي نادي ووصللتي للجسم اللي تحلمين فيه؟ طيب كيف علاقاتك مع الناس ؟ تركتي اللي ماترقعتي تتركينه؟ مو مشكله لا تحزنين على احد انتي اهم شيء بخير .. طيب هل ممكن انك وقعتي بالغرام؟ ما ادري بس انتقي اختيارك بالحب والزواج لان هالشيء مو لعبه هذا اهم شيء اختاري اللي يسرق لك اللحظات اللي تسرك سرق لو تطلب الامر .. خذي الشجاع اللي يخاف عليك ويداريك حتى من نفسه ويحميك ويحتظن آلامك ويدعم احلامك ما اعرف اذا باقي اسم سرور وعمر يعجبونك بس انا حاليا متردده فيهم اذا باقي ماتزوجتي للحين أجلي الموضوع ولا تستعجلين خذي لك كورس لغة انتي وصلتي عمر تحتاجين فيه اللغه ماعادت مجرد امنيه + لا تنسين ابدا امنيتك في تطوير مهارة التدريب والإلقاء .. ذا ستيج خيار جيد للتوجه لهم اذا ممكن بعد خذي رحله الى مكان ما واختمي هذي المرحله بشيء من الرفاهيه الساكنه انا اشوف العلا خيار جيد او ممكن تتوجهين الى بحر تبوك لطالما حلمت اني اقضي وقت الغروب هناك .. دامك وصلتي للعمر المناسب والاستقلال المادي المناسب و انتهيتي من الدراسه المنهكه ومن ذلك القيد اللي لطالما وقف بوجهي وبطريقي .. توظفي عشان تكونين نفسك عشان تملكين بيت و تملكين سياره و تملكين راي وحريه في قراراتك .. اتمنى ان امنيتك في كتابة سنياريو لفيلم او مسلسل موجوده للآن .. اتمنى ان رغبتك في الاخراج مازالت موجوده الى الان اتمنى رغبتك في الإلقاء والتدريب موجوده للآن اتمنى رغبتك في التحقيق موجوده الى الآن جميعها خيارات موجوده ومتوفره اتبعي الطريق اللي يسعدك ويريحك لا تحتارين ابدا .. يمكن يكون عندك طموح اخر وهذا الشيء راجع لك .. انا ادعمك اذا مالقيتي احد يدعمك وانا بوقف جنبك وانا بمسك ايديك كوني اقوى كوني اسعد انا أحبك وانا آمل منك الكثير