A letter from May 12th, 2022

12.5.2022 💜 5:05p.m كيفك محمد ، بتمنى تكون بخير هلا وانت عم تقرأ هاي المسج ، اليوم كنّا سوا واتفقنا نكتب هاد الايميل ، بالوقت يلي عم بكتب فيه هلا انا خايفه من الوقت يلي رح توصلك فيه ، خايفه من حالتنا وقتها ، يمكن حالنا مو احسن حال هلا بس خايفه يكون في شي اسوء ، بس رح كمل كتابه ع امل يكون ربي غيّر الأقدار لأقدار تسعدنا وتريح قلوبنا عنجد . . انت بهالوقت ضايع كتير ومشتت ومليون فكره ببالك ومو قادر تاخد اي خطوة للمستقبل ، بس هلا انت بالمستقبل ، يمكن مو هالوقت يلي كتير بعيد عن يومنا هاد بس بضل مستقبل ، نحنا بالماضي اسبوع واحد كان كفيل يحول حياتنا كامله ، فما بالك بسنين ، المهم . . بتمنى تكون وصلت برّ الأمان أخيراً وعرف محمد شو بدو ولوين بدو يوصل من هاي الحياه ، يمكن الشي يلي رح قولو صعب علي بمشاعري الحاليه بس راحة قلبك بختارها ع راحة قلبي ، لهيك بدي اتمنى تكون هلا مع حدا عنجد بحبك من قلبو ويكون وفي الك ، والأهم تكون حابب هاد الشخص ويكون هالشخص هو الشخص يلي كان عوضك عن اي شي شفتو بشع بحياتك ، بس بتمنى أكتر نكون سوا بالوقت يلي بتوصلنا فيه هاي الايميلات . . حابه احكيلك شوي عن اليوم لاني ما قدرت احكيلك هالشي بالحاضر ، وازا ما كنت معك بالمستقبل فاعتبرو ماضي وراح ، اليوم كان متل الجبر لقلبي يا محمد ، تفاصيلك يلي كنت مشتاقتلها كتييير كلها حاولت اشبع منها ما بعرف ازا الي نصيب ارجع اشوفك مره تانيه عن قريب او بعيد بس بدي قلك انو قلب منى بحبك كتير ، منى يلي بعمرها ما توقعت تحب بالبعد قدر حبك يخليها تعيش وتتأقلم مع فكرة البعد ، بتعرف متنيه عنجد بالوقت يلي يوصل هاد الايميل نكون سوا واضحك على الشي يلي باعتيتلك اياه واحكي هبله عن حالي عادي بس نكون سوا بالآخر ، خايفه كتير من فكرة انك تقرأ هالكلام وانت مع غيري ، خايفه ارجع اعيش الوجع يلي عشتو بس فكرتك خطبت ، الفكرة نفسها مؤذيه لقلبي كتير ، مو عارفه شو احكي لسا بس رح تضل اجمل ذكرى بقلب منى ♥️✨