A letter from Nov 9th, 2021

... عزيزتي انا اتمنى تكونين بخير وبصحه . بقول انج مو بروحج وربي معاج دايماً واصبري وانشالله كل شي بيكون بخير بوقتج وكوني قويه دايماً وحققي احلامج وبري بوالديج ولا سوي كل الي بخاطرج دامه مايضر احد بحدود الدين طبعاً . اعتقد انج تخرجتي الحين وجبتي درجه تبيض الوجه ورفعتي راس امج وابوج وتقدرين تحققين الي تبين بأذن الله . و اهم شي الصلاه وذكر ربي والدعاء والتوكل عليه . ابعرف كم انمي شفتي للأن؟ وكم كتاب قريتي؟ وللحين تحبين الكيبوب ولا؟ تعلمني الرسم ولا بعدج؟ قلتي حق ابوج الي بخاطرج تقوليه ولا بعدج تنطرين الوقت المناسب؟ وشلون علاقتج مع زينب اكتبي (ثنين تسعه تسعه ثنين و♥️🖇)وبتعرفينها اذا ماعرفتيها "اتمنى ماصارلنا شي"وخوفج على مشاعر الناس راحت ولا للحين متعبتج؟ اسألتي وايد(؛ اعذريني مشاعري فاضت:( وصبري ان الله مع الصابرين قال الله تعالى في سورة البقرة: {يَا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ ۚ إِنَّ اللَّهَ مَعَ الصَّابِرِينَ}، قال الله تعالى في سورة الأنفال: {وَلَا تَنَازَعُوا فَتَفْشَلُوا وَتَذْهَبَ رِيحُكُمْ وَاصْبِرُوا إِنَّ اللَّهَ مَعَ الصَّابِرِينَ}. وابي اتأسف حق نفسي القديمه وانتي بعد تأسفيلها يا انا الجديده لانها ماتستاهل اننا عطيناها شي فاق قدرتها وعمرها و برائة الطفوله الي ينعم عليها كل طفل والحنان كانت موجوده بس الضروف اقوى. ويارب اني اكون انسانه رائعه بالمستقبل. وبس اتمنى توصل لني حطيت فيها مشاعري☹️. وكوني بخير دائما وابداً. من انا في الحاضر الي انا في المستقبل . عندي حاضر مو ماضي مادري اذا صح وبس الصراحه في وايد كلام بس عندي امتحان باجر*^*. احم اليوم عيد ميلادج نسيت المهم كل عام وانتي بخير وصح وسلامه. واووو احس اني كبيره^~^ ادري راح تضحكين علي لاني قديمه يعني يمكن صارت عندكم الأيموجيات قديمه او لحجيه🌚 اضحك. ويمكن تشوفيني ماعرف اتكلم وانسق الكلمات وهذا الصج(؛ معليه الله يعوضني <٤ مايصير اكتبها بالأنجليزي مادري ليش؟ بس صج بدرس عاد. احبج وايد وكوني بخير دائماً وابداً.