A letter from March 24th, 2021

Dear FutureMe, اهلا احمد المستقبلي لتو لحق مقررتش قتاش الدات بضبط شنعملو بعد خمسة سنين ثلاثة سنين اما فل غالب 4سنين ليوم هو ال 24من مارس 2021 مبارح كي غير وصلت للحزب 32من القرآن الكريم بعد ما كملت سورة الكهف وسورة مريم ولحق منحكيلكش كانك تتفكرو النهار هذكا راك تتفكر قداش انشرح قلبي ونا نقرا وقداش صوتي طلع محلاه علخر هذا امس اما بنسبة لليوم (نعرف نعرف تحب اكثر تفاصيل متخافش تو نكتبلك ذكريات العام هذا كل نشالله وتبدا تقرا وفخور بروحك) بنسبة لليوم هذا نهار لربعة اخر نهار في عطلة عشرة ايام الي تمت في درجين😂ههه حصيلو العطلة هذي عديت اول 5ايام فيها عامل جو لحق عرس ابتهال وعمي ماهر اي اي كانك تقرا تو اكيد راو ربي رزقهم بذرية صالحة شسمهم اولادهم؟ حصيلو عملت جو نهارين في ڨفصة ونهارين في صفاقص عملت جو علخر مع العايلة اكثر من العرس في روحو جو مع ماما بطبيعة ايوب وقتها ممشاتش قعد هو و اسراء وطا سعاد وايناس وقتها عرست هيا وعم محسن في نفس الجمعة وعم محسن وحما وطا سعاد وطا حنان وطا صنية وريم وطا سعيدة وخالتي ذهبية ورنيم(تكراشيت فيها هبال وقتها مزينها 😂💓مشاء الله) ويوسف وطا فوزية وطا لطيفة وخالتي ام الخير وانيس واحمد وايهاب وانور وسيف و عمي قيص وناهد وهندة وطا اميرة وعمي رمزي وطا هاجر وعمر ونور وتقوى وريان ورامي وايمان وعمي محمد وللة عزيزة وعمي بشير 😂😂نهار لعرس تتفكر كيف ركبنا كلنا في ص صطفات عمي بشير لكلنا ولولاد لبسو كوستيمات وبدينا نغنو طلع لبدر علينا سوفونير محلاه عللللخر وقتها راكب معنا جارهم محمد يضهرلي اسمو وجا عمي بشير في دورة شوي طاح وكاح على نور وتقوى شخت ضحك وقتها😂😂 مهم تعدات محلاها جمعة لولى من عطلة اما بعد كيف روحت وقتها حسيت بفراغ كبييير توحشت الجو العائلي لكنا فيه والضحك واللعب وبرغم كورونا كنا عاملين احلى جو وحسيت روحي مخنوق نهار ربي نحب نطير نحب نجح اما بعد الحمدالله تحسنت وخرجني ربي منلي كنت فيه وتو نهار لربعة قاعد نكتب في هاك لوراق الصغار مفردات بل اونڨلي باش نتعلمها بقدرة ربي زعما في وقتك هذا تعملتها ولا لتو؟خطر امس وانا فوق سرير قلت لروحي الصيف هذا يعني صيف2021لازموش يوفى فل فاضي لازمني نخفض قرآن ونتعلم الاونقلي ونحاول نخدم نكسب فلوس صار هذا ولا؟ انا في دوزيام تو يعني الميساج هذا شيجي نشالله عام بعد الباك عارفك نجحت احمد نعرفك نجحت ومتاكد 1000/100انك نجحت تي متاكد 1000000000000/100انك نجحت علاش خطر انا عبد الله لن يضيعني اكيد نجحت وحطيت في قلبك العام هذكا وعطيت اقصى ما عندك باش تفرح انت وتفرح عيلتك اكيد راو ربي عاونك وعطاك القوة والعزيمة ووفقك ونحب نقلك كان مبروك عليك تعبت ونلت خطر وراك ربي الذي لا اله الا هو واحد حي لا يموت وانت ذكي جيست اصقل قدراتك نحب نسالك على حوالك وحوال دارنا انا تو في بيتي فوق لكرسي وعنا شهر منلي دهنتها اما الوصطية مزالت كيما هيا سيمان تبدلت ولا مزالت؟ انا تو عمري 17في جوان نولي18 انت قداش تو ربي يحفضك ويخفضلك عيلتك كل ويباركلك في صحتك وينجحك ان شاء الله ياربي نحب نسالك زيد حققتش شوي من طمحتنا انو معادش تسهو في صلاتك وترضي ربي انو تحقق حلمتك وتمشي لكندا انو تحقق حلمتك تزور بيت ربي انو تحقق حلمتك تدور بلدان العالم اجمع ملاحضة الوطانية اذا حذاك شكون تقرهاش بصوت عالي انو تحقق حلمتك وتعاون المحتاجين نشالله تبدا حققتهم ولو شوي منهم واذا مزلت نتمنالك النجاح والتوفيق وتهنى الي عند ربي موش بعيد انت جيست ادعي وربي يستجيب معاك رب حي قيوم واحد لا يموت وبقدرتو وبعظمتو شتحقق احلامك وترضيه وترضي ولديك وتحب ويحبوك عايلتك وتو نسالك على اسراء اختي ههه اي على فكرة ليوم ماما هزتها للمساج ونستها صبطها ورصيني نا نلحقهولها حصيلو ولتش تمشي؟ عارف ربي معها ومعما واكيد موش تيخليها بها واكيد بقدرتو شتولي تمشي حصيلو يا احمد هذا معندي منقلك ونقلك كان عمرك ما تيئس من رحمة ربي خطر رحمتو واسعة وكبيرة وعظيمة وبقدرة ربي شتحقق لي في بالك لكل وترضيه غير اصبر برك تي ديجا وقت الميساج هذا يبدا ربي حققلك منهم برشا وانا متاكد وعارف اكيد بخلاف لي ذكرتهم قبيلة فما برشا طيلت ال4سنين هاضم اخرين باش يجيوك وباش تولي عندك طمحات جديدة نشالله ياربي تحققهم وتوصل للي تحب عليه وعمل على ربي وديما قول اني عبد الله لن يضيعني وديما ادعي اللهم اني استخبرك بعلمك واستقدرك بقدرتك فانك تقدر ولا اقدر وتعلم ولا اعلم وانت علام الغيوب اللهم اسلمت تفسي اليك وفوضت امري اليك والجئت ضهري اليك رهبة ورغبة اليك لا ملجا ولا منجا منك الا اليك امنت بكتابك الذي انزلت وب نبيك الذي ارسلت ولا حول ولا قوة الا بالله واني توكلت عليك ديما ادعي ديما صلي اقرا قرآن (صلاة دعاء قرآن رضاء ربي والوالدين) ريت هاضم هما لي تربح بيهم الدنيا والاخره عمرك متسيبهم عمرك رد بالك واكهو معندي منقلك كان ربي ينجحك وينجح ايوب وينجح عيلتتا لكل ويرحم لي مات منهم ويسكنهم فسيح جناتو وواصل احمد انجح متسلمش كون قوي وقوي غيرك و السلام عليكم ورحمة الله