A letter from June 26th, 2020

Dear FutureMe, السلام عليكم نور وعباس انا عباس من سنة ٢٠٢٠ اليوم تاريخ ٢٦/٦/٢٠٢٠ المفروض باجر يصيرلكم سنتين مع بعض لكن شاءت الأقدار انكم تتفرقون ويشهد الله ان الفراق بقمة الصعوبة ولا هو سهل ولا هين، لكن ان شاءالله لما تفتحون هالرسالة تكونون في وضع احسن وقلبكم مرتاح وانتوا مرتاحين. بتاريخ هذي الرسالة تقريباً صارلكم ٨ ايام موخرين عن بعض، ابتعدتوا وكأن بساط السعادة انسحب من تحت أقدامكم، تدرون أن كل حرف نطقتوه وكل لحظة صارت بينكم مع بعض رغم حلاوتها إلا أنها كانت قاسية ومرة من الغياب، بس ماودي اقلب المواجع أكثر من ما اهي توجع لكن اذا وصلت لكم هذه الرسالة فأنتم المفروض تعرفون بعض من ٧ سنوات واعماركم ٢٥ سنة، مفروض على الأقل تكونون متخرجين من الجامعة ويمكن تكونون متزوجين وكل واحد لاهي بحياته ولاهي مع عياله، لكن تذكر يا عباس انك حبيت نور أكثر من اللازم و نور حبتك بالمقابل، كان حبكم عظيم وحلو، وتذكري يا نور ان عباس دايماً يتمنى لج الخير والاحسن ف إن شاء الله وقتها تكونين محصلة الأحسن من عباس، وتذكري بعد أنج كنتي نور عين عباس، فعلاً كنتي نور عينه. لأن من بعد غيابج عينه ما كانت تذوق النوم ومن البجي ماكانت توقف، بس عالعموم ما ابي اقلب المواجع أكثر من جذي يمكن حزتها تشوفون الرسالة وماتقرونها ولا تعطونها أي اهتمام لان علاقتكم صارت من الماضي، والماضي المُر على رغم حلاوته محد يحب يتذكره ويعور قلبه فيه لكن الله كريم. بس دام وصلتوا لي هالمكان بالرسالة وقريتوا لي هني ف... سوف أقدم لكم خدمة بسيطة في حال لم تكونا معاً وغالباً هذا سوف يحدث... سوف أحدد لكما موعداً بعد أسبوع من وصول هذه الرسالة، وسيكون اللقاء في مقهى costa فرع السالمية بجانب مكان تعارفكما أول مرة، في الساعة ٥ونص العصر، اتمنى أن يكون الوقت مناسب لكم، ان شاءالله مايكون في شيء يمنعكم أنكم تروحون هذا الموعد واذا ماقدرتوا لسبب من الأسباب سواء الزواج والحياة الجديدة فاتمنى تتواصلون مع بعض عن طريق أي برنامج او حتى الايميلات وتسلمون على بعض على الأقل احتياطاً 51288277 و 51318603 مع تحياتي وحبي لكما عباس من الماضي، احبكم (كنت اكتب الرسالة وقلبي يرقع وايدي ترجف)