A letter from May 16th, 2020

Dear FutureMe ما بعرف اذا رح اضل عايشة من هون ل5 سنين , وما بعرف شو رح يكون وضعي بلحياة كمان 5 سنين , شو شخصيتي رح تكون , شو تفكيري , شو حياتي , هو واحد من اثنين , يا اما رح تكون صارت معي معجزة وحولت حياتي لاشي حلو واشي ممتع وحياة بتستحق اني اعيشها , او اني رح اكون حاليا بمستشفى مجانين ومارح اقدر استلم رسالتي , او في احتمال ثالث اني صرت سفاحة وقاتلة متسلسلة وحاليا الشرطة بتلاحقني ها ها ها , عنجد ما بمزح , ما في قدامي غير هال3 خيارات عشت 22 سنة , مضيتهم اتحسر ع الاشياء اللي ما حصلت عليها ولا رح احصل عليها , كل انسان عرفتو بحياتي حياتو كانت احسن من حياتي , حقوق البني ادم الطبيعية ما حصلت عليها , حقوقي انا بتمناها , في انسان بتمنى حقوقه ؟ اه انا بحس حالي اجيت بالغلط عالحياة , او مش لازم كان اجي شو المغزى من اني اقضي حياتي وانا اتمنا اعيشها ؟ ناجيت الله كثير بس ما شفت رد , انقطع الامل عندي وبطلت اآمن بالمعجزات , اه وتحكيليش اني فوق كتبت انو احتمال تصير معجزة وتقلب حياتي للاحسن في فرق بين اني اقترح احتمال , وبين اني اآمن فيه ههههه حاسيتك كمان شوي رح تقرأي الرسالة من كون موازي وتضحكي عليها .. او تبكي عليها ما بعرف بيلا تشااااو .. ما ضل عندي اشي احكيه ومنيح مني انو طلع مني كل هلحكي ها ها ها 9982042180aaa@gmail.com