A letter from May 14th, 2020

Dear FutureMe, ميمي! كتبتي هذي الرسالة وعمرك ٢١ تعرفين وش كثر أحبك؟ أحبك مره مره، قلبك طيب وحنون ولطيف❤️ هل معقول انك بتنتبهين لهذا الإيميل حتى بعد ٥ سنوات؟ بعد ٥ سنوات ان شاء الله بيصير عمرك ٢٦🥺 ويصير باقي ٤ سنين على الثلاثين آه شنو هذا😂 .. ميمي الحلوة كيف هي حياتك بعد ٥ سنين؟ مازلتي بنفس البيت؟ نفس الأجواء؟ اكيد عبدالله وعبدالرحمن تزوجوا😂😂 حياتك قبل خمس سنين كانت لطيفة ومليئة بالتحديات أنا أكتب هذي الكلمات في ٢١ رمضان ١٤٤١ وفي ١٤ مايو سنة ٢٠٢٠ الحين احنا بأزمة كورونا وبالحجر المنزلي كيف بتذكرين هذي الأيام بعد ٥ سنين؟ وايش بيكون شعورك لما تذكرينها؟ هذي الأيام يمكن كملنا ٦٠ يوم او أكثر بالحجر المنزلي طلعت خلالهم مرتين مره عشان اتبرع بالدم ومره عشان اروح اشتري صديقتي سُكر🐰🌸 لحظه سُكر! هل مازالت موجودة؟ آه يارب الأرانب تعيش ٨ سنين وسكر الحين عمرها شهر يعني فيه أمل ايه صح!! بعد ٥ سنين فهودي طفلي الروحي بيصير عمره ٧ ونص ان شاء الله😭❤️❤️❤️❤️❤️ آه فهودي الحبيب أنت تقرأ؟ هذي الكلمات كتبتها قبل خمس سنوات لما كان عمرك سنتين ونص💕 تدري أكتب هذي الكلمات وأنا مشتاااقه لك ، لأن مع الحجر ما أشوفك كثير زي قبل🥺 رسماتك اللي رسمناها سوا مازلت معلقتها بغرفة الجلوس❤️ تدري وش كثر أحبك؟ أحبك يا فهودي مره مره مره أنت طفلي الحبيب💗 بعد ٥ سنوات ان شاء الله كل احفادنا الصغار اللي اموت فيهم بيصيرون كبار ويدرسون😭💗 أصغر اثنين غيداء وعزام بيصير عمرهم خمسه🥺💗 آه ما أتخيل وأكيد بيصير فيه احفاد جديدين ان شاء الله😍 هذي الأيام غريبة اول مره بحياتي تمر علي أيام مثل هذي تتذكرين شعورها؟ ميمي كيف حالك بعد خمس سنوات؟ تطورتي؟ أتمنى من كل قلبي كل شي يضايقك يروح وكل شي تتمنينه يصير أتمنى ثقتك بنفسك تزيد❤️ وقوة شخصيتك تزيد أتمنى أمي الحبيبة أحب شخص لقلبي تكون في أتم الصحة والسعادة💗💗 أتمنى ربي يستجيب دعائك ويسلمون اللي ببالك أتمنى تنقصين من وزنك أتمنى تكونين مي القوية اللطيفة المؤمنة بالله مي اللي تشتغل وعندها وظيفة💘 أو مي الأم اللي عندها أعظم وظيفة بالحياة وهي تربية طفلها ما احس اني بعد ٥ سنوات بصير متزوجه🤔 لكن الدنيا اتوقع منها اي شي مي اللي عمرها ٢١ تتمنى شعور الأمومة من وهي طفلها مشتاقة لأطفالها اللي مابعد شافتهم حتى أحب الأمومة وأحمد ربي إني أنثى وأقدر أصير أم💕 هل للحين تحبين الأمومة وتتمنين تصيرين أم؟ أنا متأكدة انه ايه ، لأن أعرف مشاعرك وش كثر صادقة💘💘 ايييه صح، كيف حال صديقاتك؟ مروه موضي لطيفة حسنه؟ أتمنى انهم بأسعد حال وأتمنى أنكم الطف صديقات لبعضكم❤️❤️❤️ وأنا أكتب هذي الرسالة باقي لي سنة وأتخرج ان شاء الله يا ترا بعد خمس سنوات هل بتشتاقين للجامعة اللي تبين الفكه منها🌝؟ الحياة غريبة ما أتخيل الأحداث اللي بتصير لي الخمس سنين الجاية ان ربي سبحانه أحياني ودي أعرف وش صار لك كيف عشتي؟ هل لا زال عندك نفس الشغف للأشياء اللي تحبينها الحين؟ أو تغيرت اهتماماتك؟ يارب يا كريم في العشر الأواخر من رمضان أدعوك أن تزيدني إيماناً بك وتديم علينا الصحة والعافية والسعادة وان تحقق أمانينا وتستجيب دعواتنا❤️ يارب أقرأ هذي الرسالة بعد ٥ سنوات وانا كلي سعادة💗🌸 يارب يارب أنا وكل أحبابي نعيش بسعادة وصحة اللهم لا تريني مكروهاً في نفسي ولا في من أحب أحبك يا مي ذات ال٢٦ سنة😂💘 أحبك مره💗💗 مهما كانت أيامك اللي أنت فيها بعد خمس سنين لا تنسين نعم الله عليك💕 واستمتعي بكل تفاصيل حياتك يارب تقرين هذي الرسالة❤️❤️❤️❤️❤️ أحبك 21/9/1441 14/5/2020