A letter from April 12th, 2019

انا المستقبلي، كيف حالك الزبدة انا قاعد ارسلك هذي الرسالة وباقي اسبوع على بداية الاختبارات النهائية للفصل الدراسي الثاني حق ثالث متوسط تاريخ: ٢٠١٩/٤/١٢ مدري بس ترا بعطيك الصراحة ترا قسم بالله اني خايف من مستقبلي ما احس عندي هدف معين احس عندي فراغ كذا ودي امليه باي شيء حاولت ارسم لدرجة اني اشتريت اغراض رسم سويت اللي بالي بالك مابقى شيء الا وسويته المهم اني انا حاليًا متوتر من الاختبارات انا بس ارسلتلك هذي الرسالة عشان اسالك كم سؤال بعطيك معلومات عني قبل ماتبدا تجاوب عمري: ١٤ وزني: ٧٩ طولي: ١٦٤ الحالة الاجتماعية: اميل للانطوائية الدراسة: ادرس في المرحلة المتوسطة في الفارابي في الصف الثالث متوسط حاكم السعوية: الملك سلمان رئيس اليمن: عبد ربه منصور هادي كم كانت نسبتك في ثالث متوسط؟ هل دخلت مدرسة ثانوية؟ واذا ايه في كل فصل دراسي كم نسبتك؟ هل دخلت الجامعة؟ واذا ايه وش تخصصك ووين تدرس؟ هل انت عاطل؟ انت وين عايش الحين؟ وش صار على اخوياك اللي في المتوسط عادك تتواصل معهم؟ كم وزنك🌚؟ مين حاكم السعودية؟ هل تحققت رؤية ٢٠٣٠؟ من رئيس اليمن؟ هل تغيرت اوضاع اليمن؟ عندك هواية؟ متزوج؟ اذا ايه عندك عيال؟ وش صار على فهد وشروق اخواني جابوا عيال؟ طيب اصيل ؟ عاده داشر😂 طيب عبدالرحمن خلص الجامعة؟ واشتغل الشغل اللي يبيه؟ حمودي عاده يحاول يصير داشر؟😂 امي وابوي؟ وقفت العادة؟ انت سعيد منجد؟ خلص ون بيس واذا ايه كيف النهاية؟🔥 زورو اقوى من كاتاكوري ولا كلام سلطان ومطرفي صح؟ سافرت اليابان؟ سويت انجازات؟ خلصت اسالة بس بقولك كم شيء ياخي معليك من احد لاتهتم لاي احد خلك على الصراط المستقيم اللي انت تشوفه بعينك لاتصير مخ واي احد يلعب عليك خلك عاد يارب انك تحقق اللي تبغاه مهما كان اهم شيء انك تسويه بارادتك الخاصة مب مغصوب اذا تبي تسوي اي شيء سويه بارادتك الخاصة معليك من رغبات الاخرين والعادات والتقاليد وبعدين ياخي يارب انك تحصل الشيء اللي منجد يخليك سعيييد من جد من جد من جد سعييييييدد، افرح فالحياة تسعد لمن يبتسم لها