A letter from July 24th, 2017

مرحبا ابراهيم اني نور, وهاي الرسالة الاخيرة مني ما حبيت ادزها مباشرة لان ما راح تفهمها بالوقت الحالي, هالرسالة راح توصلك بعد شهر من اليوم ما تمنيت هيج ننهي, حطيت احتمالات لكلشي بس مو لهاليوم بقلبي كلام وعتاب وصرخة والله تهز جبال.. ياريتك تركتني قبل لا حطيتني بهيج يوم كذبت عليك من كتلك اكرهك, اللي يحب ما يكدر يكره اقرة كلامك ورسايلك مال البداية, تسجيلاتك صورنا.. اتذكر ايامنا ونظرتك الي, اللهفه اللي بيك اول ما تقابلنا بدبي عيونك ابراهيم جانت تحسسني بمشاعرك, خوفك عليه ولهفتك والعيون يا ابراهيم والله ما تكذب ما ادري ليش خنتني, شنو السبب وبشنو اني قصرت ومن شوكت واذا جان نعمان اله علاقة بهالشي ف حسبي الله ونعم الوكيل عليه حسيتك تحبني, حسيتك جنت صادق بكلشي كلته وما شكيت طول هالسنة ونص ولا واحد بالمية انو انت ممكن تعرف غيري ولا حتى ممكن تسويها مستقبلاً هالرسالة مو عتب, ولا مشكلة.. بس فضفضة وتوديع لان ما راح اكدر اطوي صفحتك ويبقى كل هالكلام بقلبي رغم تجربتي ويه اوس, اعترفلك الحب الوحيد اللي حسيت بيه هو انت وما اعرف اذا راح اكدر اتجاوزك واحب احد ثاني بنفس كمية المشاعر هاي يمكن تلكه احسن مني ويمكن اصلا انت لكيت لهذا تنازلت عني, بس تأكد ما راح تلكه وحدة تحبك مثلي ابراهيم تنازلت عن احلامي من يوم ما دخلت حياتي صرت انت حلمي الوحيد رسمت مستقبلي وياك, جامعتي اختاريتها حتى اظمن اجتمع ويه ابراهيم حبيتك لدرجة ما جنت منتظرة منك اي مقابل, جنت احاول اكون سند الك وصديقة بس يمكن فشلت لهذا خنتني بس والله حاولت انطي من قلبي, حاولت اكون الشخص اللي تنسد عليه وقت ما تتعب من هموم الدنيا حاولت اكون الصديقة اللي توكف وياك بس توكف بيك الدنيا .. حاولت اشرحلك انو اني احس بيك وينمرد قلبي بس اشوفك متضايق وانقهر اكثر لمن اكون عاجزة بسبب المسافة الطويلة بيننا, عاجزة اخفف عنك لمن تحتاج واني اسفة اذا بيوم زيدت همومك, ما ردت اكون اني والدنيا عليك جنت احبك واريد اقدم كلشي عندي اكدرله حتى اعبرلك بيها.. ودائماً ما اظلم مشاعري ما تفارق تفكيري حتى مرات احلم بيك من كثر التفكير, واحلم بيوم ننجمع سوه ما همتني المظاهر, وجنت اتمناك تحت كل الظروف حتى لو عشنا ع زولية صغيرة, جان المهم عندي بس اكون وياك ومثل ما بيك محاسن وجان بيك عيوب, بس حبيتك بكلشي بيك وما تمنيت اغيرك ردتك مثل ما انت مليت عيني واكتفيت بيك, وصرت اشوف الدنيا ابراهيم.. هالشي غلط جان لمن تعليقت بيك وحبيتك زيادة ع اللزوم بس مو بأيدي حبيتك بكل ذرة احساس عندي برسالة وحدة منك جنت تكلب حياتي وردية, وبرسالة منك تغير يومي كله برودك بالفترة الاخيرة, برود المشاعر وكلماتك الفارغة.. ولمن تتهرب مني حتى انك بطلت تحب تحجي ويايه صرت تحجي ويايه بس حتى تأدي واجب.. من تكعد من النوم وتكتبلي ورد 3 ساعات حتى تتهرب من الحديث ويايه من تشوف رسالتي وتهملها.. من اكولك مريضة وما تكترث لهالكلمة من بطلت تكولي نونية احبك واموت عليك. نونية مشتاقلك اريد صورة هاي التفاصيل اللي جانت تقهرني, وجنت اوهم نفسي انك ملتهي بالشغل والحياة دا تزيد هموم عليك جنت تكولي ما اريد احد يأذيك, بس انت اكثر واحد أذاني مشاعر متلخبطة, ضايجة منك وحاسة بخيبة امل جبيرة, حاسة اني جنت غبية ومخدوعة طول هالفترة ومشتاقتلك ومكسورة, وبعدني احبك, احلامي كلها وكعت وما اكدر اتخيل انك تكون ماضي, منهارة اني ومتدمرة وما دا اعرف اصلح نفسي دا احس بنار ما اعرف انساك ولا اطلعك من حياتي ولا اعرف اسامحك وارجعلك والغيرة دا تذبحني كل مرة ادخل واشوفك دا تحجي وياها ضحكت وياها مثل ما ضحكت ويايه؟ راح تباوعلها نفس نظراتك الي؟ راح تشتاقلها وتتغزل بيها مثلي؟ حبيتها اكثر مني؟ ضاايعة اني يا ربي واريد اخلص من هالجحيم الابشع من كل هذا, دا اشتغل مثل الحمار حتى احجز تذكرتين لدبي يوم 26 شهر العاشر لان اعرف ظروفك صعبة هالفترة وما ردت اضغط عليك حتى تجي ايدي والله صارت تنمل من التعب, 12 ساعه باليوم وجانت ع قلبي احلى من العسل مجرد انو اتذكر شهرين 3 واشوف ابراهيم دا تتخيل شنو احساسي هسه؟ لحد هسه وبعد كلشي صار, اتمنالك الخير وان شاء الله تتوفق بشغل خاص بيك ومستقبل يليق بيك وبذكائك.. وراح يجي يوم وتوصل للي تريده صح عصبت وانفعلت وانفجرت عليك, بس صدكني ما كدرت ولا راح اكدر اكرهك او ادعي عليك ما انسى من احتاجك جنت دائماً يمي, ما حسيت بوحدة وياك وما جنت تسكت اذا تشوفني متضايقة.. حتى لو جنت زعلان مني وتشوفني متضايقة جنت تأجل الزعل وتوكف ويايه شجعتني حتى اصير الاحسن, ووكفت بصفي بكل الظروف وجنت تخاف ع مستقبلي وعلى وقتي.. تنصحني لمن اغلط وتعصب اذا كررت الغلط فتحت عيوني على هوايه شغلات وما انسى لمن تكولي نور لا تنزلين راسج بقيه مرفوع رغم هسه عيوني ما شلتها من الكاع بس اوعدك راح ارفع راسي من جديد واتمنى الله ينسيني شي اسمه ابراهيم, وتنطفي حرقة قلبي ابراهيم الكعبي الله يوفقك ويهنيك بحياتك انت واهلك واذكرني بالخير لا بالشر احبك واحب سيرتك وكلشي يتعلق بيك وارجف بس احد يحجي بيك بس وعد راح يجي يوم وانساك مع السلامة