انا انسانه الكترونيه؟

كلمت ٣ شهور او ٤ تقريبا بالجامعه وللحين ما تأقلمت🚶🏻 ماني عارفه كيف اندمج مع الناس عندهم اصير شخص ثاني مو انا الحقيقه اللي عند صديقاتي وعند هديل كنت احسب اني شخصيه اجتماعيه بس اكتشفت بعد الجامعه اني مو كذا بالمدرسه ما احتجت اني اكون اجتماعيه كثير ، المتوسط كنت في مدرسه وحده و صديقاتي نفسهم لين نقلت و نفس الشي الثنوي حتى فصلنا نفسهم ماتغيرو لين تخرجت ف بالجامعه كان صعب علي ياخي قعدت افكر مع نفسي ، ليه انا كذا عند الناس ليه ما اصير طبيعيه واسولف زي ما اسولف مع صديقاتي و الناس اللي ارتاح معهم؟ ليه ما ارتاح مع الناس الجديدين ماطلع معي جواب الا اني مو متعوده اقابل ناس جديدين في حياتي🚶🏻 صار لي موقف قبل كم يوم كلمتني لطيفه تقولي خل نشوفك وانا ماكان ودي زي اخر مره ، كانت ريم موجوده شافتني و انا متأزمه قالت لي "طيب شوفيها، ليه انتي انسانه الكترونيه؟" قعدت افكر بكلمتها طول اليوم ، ليه انا الكترونيه؟ ليه مابي اشوف لطيفه؟ عندها ما احتاج اني اكون "اجتماعيه" عشان اعرف ناس جديدين هي اصلا تعرفني اكثر من اللي قابلتهم بالجامعه ف طلع معاي جواب للسؤال اللي فوق لأني انسانه الكترونيه! تعودت اتعرف على ناس جديدين من النت ولا تعودت اتعرف على ناس جديدين في الواقع قعدت اعد الاونلاين فريندز عندي طلعو كثير وانا ماكنت حاسه حتى يوم نقلت للشعبه الثانيه وحسيت اني ماني قادره اندمج معهم قلت في نفسي ليتهم عندي في سناب تشات يشوفوني على حقيقتي شلون صرت في سناب تشات اكون على حقيقتي اكثر من في الواقع؟ لأني انسانه الكترونيه! يمكن هذا اللي مأثر على "اجتماعيتي"؟ حتى في موضوع السناب تشات ماقدرت اقول لهم خل اضيفكم الا مره متأخر قبل اسبوع مدري اسبوعين حتى حسيت ثنتين منهم ما كان ودهم بس يجاملوني🙄 وحده ما قبلت و وحده ما تقتح الستوري حقي من كثر ماني الكترونيه كل شوي اشيك شافو ولا ما شافو واكتشفت انها شافت شوي و ماكملت رجعت شيكت بعد ساعه لقيتها شافت شوي و ما كملت بعد اول مره يجيني هالشعور اني اضفت احد مايبيني🚶🏻 مدري هو شين للدرجة اللي احس فيها ولا ان المحاوله الالكترونيه للاندماج فشلت وهذا شعورها حتى عرفت ليش ماكنت ابي اقابل لطيفه، نفس الجواب ،لأني انسانه الكترونيه ! لان لطيفه بدت كأونلاين فريند وشكلي ماتقبلت انها تتغير و تصير بالواقع ماتدري ريم ان كلمتها ترددت في بالي هالكثر قالتها و بس😂 فاطمه كانت احسن مني كانت اجتماعيه اكثر مني حتى موضوع السناب كانت احسن مني فيه ، ومو ضايفينها مجامله 🚶🏻 كان مضايقني ان الشعب بتتغير الترم الثاني و بيتغيرون البنات ، يعني انا توني بديت اتأقلم مع هالبنات بعدين يتغيرون؟ بس الحين حسيت انه احسن انهم يتغيرون ، يعني مابيني و بين البنات اللي معاي الحين شي و توني الحين بديت اتأقلم بعد ٤ شهور؟ اتوقع اصلا ما بقى الا اسبوع واحد نداومه قبل الاختبارات و نشوف بعض فيه ليش متعلقه فيهم ومابي يتغيرون؟ اكيد الترم الثاني بيكون احسن من الاول ، فرصه جديده اني اتغير و اصير انسانه "واقعيه" اكثر ابي اشوف ناس جديدين متأكده اني بكون احسن اجتماعيا من الحين ، ان شاءالله يعني الاهداف المرجو تحقيقها حتى الوقت اللي برجع اقرا فيه الرساله : ١) اكون واقعيه اكثر و الكترونيه اقل ٢) يكون الترم الثاني احسن من الاول اجتماعيا و دراسيا ٣) اكون لقيت حل للبنت اللي شكلها ماتبيني في سناب تشات😂 حذفتها ولا هي صار يعجبها سنابي ولا هي حذفتني وات ايفر اهم شي يروح شعور ال"ماتبيني" ٤) معد اتضايق اذا قالت لطيفه خل نشوفك ٥) اكون انقبلت ادارة اعمال الحين لي ٣ ساعات افكر بنفس الموضوع بس جد حسيت اني استفدت بعد هالتفكير و بعد هالرساله حتى ارتحت معد هو مضايقني وهذا كان الهدف المرجو بعد الانتهاء من الرساله . 3:42AM 25December2016