A letter from August 5th, 2016🐢

Dear muruoj , لأنو مالي غيرك، ومالك غيري أنا هنا اليوم❤️ وكلامي اللي كاتبته هنا عارفه قد ايش تحتاجيه في الفتره دي بالضبط. مروج كل مابتكبر بتحس انو الفتره اللي هيّا فيها، دايما الأصعب والأتعب والأتعس.. وتنتظر اللحظة اللي تنتهي منها ، بس أول ماتنتهي وتروح للمرحلة اللي بعدها تنصدم باشتياقها للي راح ! اشتياقها لكل تفصيلة!ا انتي نفسي وأنا أعرفك، أعرف شعورك بعد نهاية كل سنة دراسية.. لابدّ من الحزن والتحطم حتى لو سويت عمل جيد! لازم أقضي على هالشي واتوقع هالمرحله كفيله بإنك تكوني اقوى يامروج! ماعرف إذا راح أعيش لليوم اللي أقرا فيه هالرساله، لكن لو عشت! أحب أذكّرك يانفسي إنو هالمرحله انتي في نعععييييمممممم وسلاممم، وخط حياتك بدأت تترسم تفاصيله أنا الان ماعرف ولاشي عن طريق مستقبلي ( ولاشي) لكن انتي يا نفسي الان اعرف بكثير ❤️ كنتي وما زلتي دايما قوية، لك حضور ولك نكهتك الخاصة. دائمًا تبهري نفسك والناس حولك بإمكانياتك ، إنتي دايمًا كُفؤ للعمل انتي وهبتي نفسك للعلم والبذل، أيًا كان سببك للحزن فهو والله والله والله "يخسي" جمب طموحك الاعظم والاسمى. لا تخلي شي يوقّفك ويعجّزك اههخ ايش اقول لك بس؟ إن شاء الله تكوني دا الوقت في فترة فرح بدخولك تخصص الطب البشري بإذن الله ومية مبروك لك يالبا😂❤️ اسعي واستغلّي اجازتك يامروج، لا تضيع هباء منثور! اتعلمي خط عربي، اتعلمي اسباني، خدي دورات في برنامج "كورسات" ، اقري كتب، اشتركي ببرامج انقلش طوّري منك وقوي نفسك نفسي اكتب واكتب واكتب لك بدون توقف اقولك سرّ؟ انتي مروج مروجتي انا انتي كبرتي قدام عيني وتطورتي على يدّي ، انتي كنتي ليا أفضل قدوه ومثل، كنتي مثال سامي للقدره على كل صعب ، فاكره قد ايش تعيرت حياتك فالثانوي؟ صارت اشياء ما تخيلتيها بيوم! بس فالأخير قضيتي على كل تعب وكنتي كفؤ للتحمل وكفؤ لصنع العجب! الكل يذكرك بالخير وكثير مشتاقين لك لا تنسي! ا لذلك سرّي لك، اني انا لك يامروج، انتي انا وانا انتي مين لنا غيرنا؟ مين فاهمني غيرك؟ مين فاهمك غيري؟ انا اذكّرك بأيامك وذكرياتك الصغيره ، وانتي تذكريني بمستقبلي وطريق حياتي انتي مربوطه فيّا طول عمرك، وانا مصيري اتبعك طول عمري ارجوكِ لا تحني رقبتك، ولا ينكسر قلبك اعرف انك ماتحبي المواساة، لكن.. انا غير تقبليها مني لما افكر مع نفسي ايش اقولك؟ ايش اعطي نصيحه لنفسي بعد سنه؟ دايما مايجي ببالي غير اني اقولك كوني انتي زي ما انتي. انا والله اخاف عليكي من التغيير، اخاف ماعرفك بعد سنه! وتصيري انتي مو انتي اللي اعرفها؟ يارب لا ماقدر اتخيل اذا للأحسن فأنا قلبي يغطرف لك.. بس غيره لا ولا ابغا اتخيل مروج لاتنسي ربك لا تنسي عباداتك، قومي بكل شي على الوجه الاكمل، صلاتك قراءة القران دعاءك وذكرك لا تبخلي بشي ارجوككي مروج ارجوكي فالأخير، والله يامروج اني احبك، قد حبي لإيش؟ ماقدر اقول والله انك عظيمه عظيمه عندي ومثل اعلى .. انا احب كل تفاصيلك واعرفها مزبوط ! تماما اتمنى ما يخيب ظني فيك ولا تتغيري الا للافضل زي ما اعرفك.. لا بعد سنه ولا سنتين ولا عشره! كوني انتي ❤️ لوفيو