بتبرا من أختي.....

يا ليت صدق الإنسان يقدر يتبرا من أخته الكبيره :) مدري وش أقول من كثر ما تنرفز ؟ يعني من جد شي يقهر :) أنا أعصب و أنفس عليكم و أهاوشكم بكيفي بس انتم إذا عصبتوني بضربكم :) و تقول لي صايره وقحه إنتي و أختك ! يعني وش متوقعه مني بعد أسلوبك الخايس :) ؟ أوكي صدق أنها طيبه و تعطيني من أغراضها و تشتري لي أحيانا بس ليش ذا الأسلوب الخايس ؟ أفف بس متى تذلف الكويت و تفكنا ! و تبي تعزم مره ثانيه بعد يومين و هي توها عازمه صديقاتها قريب :) و تقعد تحت و ساره جيبي و ساره شيلي و ساره حطي :) و عزيمتها ما جت إلا في يوم اختبار الفيزياء ما قدرت أذاكر زي الناس و كل شي ساره مدري ليه أول اسم يجي في رأسها ساره ؟ و بعد يومين ودي اطلع مع صديقاتي بس أخاف ما أقدر عشان لازم نساعدها :( صدق احتاج أشوفهم يمكن تتحسن نفسيتي الخايسه من يومين مالي خلق شي :) أنا صدق استانست يوم جت بس الحين أبيها تروح :) من جد طفشت هواش و أوامر و عزايم و مدري وش :) و بالاخير تقول لي إنتي وقحه و تنرفزين أف اليوم انقهرت مره و ما أقدر أقول شي :( جتني الصيحه بس ما أبيها تشوفني و أنا أبكي و تحسبني خايفه منها :) مشكلتي إذا عصبت أبكي :) و تحملت أبي أروح الحمام و أقعد أبكي لين اطلع حرتي :( و تجي تقول لي جيبي ملابسي و جيبي عصيري و قطعي الحلوم و إقليه :) و أنا متحمله مابي أبكي قدامهم و ساكته طول الوقت مأبيهم يكلموني عشان ما يحسون أني ببكي :) و تجي أمي تقول لي ليش تكلمين أختك كذا ؟ أختك الكبيره جايه ضيفه عندنا كلها كم يوم و تروح تقولين لها كذا ؟ يمكن أني غلطت أني قلت لها كذا بس تشوف نفسها وش تسوي أشياء تنرفز و أنا ما أقدر أقول شي :) مدري أكتب اللي صار بالضبط ولا لا أخاف إذا قريته في 2015 انقهر مره ثانيه :) اقسم بالله شي ينرفز أنا الحين بكمل نص ساعه بالحمام مابي اطلع و تشوفني ويطلع شي من تحت الأرض عشان أسويه :) أف تقهر تقهر تقهر تقهر تقهر تقهر أنا يالله أتحمل نفسي مع نفستي آلخايسه و تجي هي و تزيد علي ! أول ما دخلت الحمام و فتحت جوالي لقيت كلام فاطمه و نوره بنت خالتي بالقروب صدق وسع صدري :( و أنا قايله لأمي أني أبي أروح السوق يا رب تطلعني مو تسحب علي زي في عيد ميلادي :) بحاول اقنع نفسي انه عادي إذا عيت تطلعني و تقول أنا تعبأنه و مدري وش عشان ما يضيق صدري أكثر من كذا مابي أقول حياه خايسه الحمدلله أنها على كذا :) بس أخت ت ن ر ف ز بمعنى الكلمه بس وش أقدر أسوي غير كذا إني ادخل هذا الموقع و اتحلطم فيه لين اطلع حرتي و أسكت و ما أقول لأحد لأني أدري أنها أشياء سخيفه لو أقول لأحد أنها تضايقني بس هذا صدق يضيق صدري :( أفف تعبت من الجلسه بالحمام :) شكلي بطلع خلاص :) يارب ما يكون فيه أوامر بعد 21Novmber2013 7:57PM