مهند الماضي

السلام عليكم ورحمة الله وبركاته كيفك مهند ، شو اخبارك انا نفسك قبل 10 سنوات تتذكر لما كتبت هي الرساله ببيت صديقك سيف بمدينة Mönchengladbach ليك شو عم تعمل وين وصلت لساتك عم تصلي وتصوم ، لسا ابوك وامك رضيانين عليك لسا واقف ضد الكل بشان نظراتك اتجاه المستقبل اتزوجت ولا لسا تخرجت وصرت هذاك الشخص الي كنت تحلم فيه اخوك يزن بتوقع هلا عمرو 16 او 17 سنة شلونو لساتك تحبو والي بيرميه بوردة ترميه بقذيفه اخواتك شلونو؟؟ لساتك عم تتذكر الي صار معك لساتك عم تساعد المهجرين والناس الي تحتاج مساعدة وين عايش رجعت عل سورياولا لساتك بألمانيا ولا بمكان ثاني ابوك وامك لساتهم بخير وعايشين قبل 10 سنوات لما كتب هالسطر كانت عيونك عم تدمع لساتها هيك بهالهفة ولا تغيرت لساتك عم تضيع وقتك بشغلات مالك فيها لاناقه ولاجمل تزوجت البنت نفسها الي حطيتها ببالك لساتك خجول وتخاف وتحسب للكلمة الف حساب لتراعي شعور الناس لساتك متذكر ناديه وضاح الاسعد وفاطمة محمود الركاض لساتك متذكر ايام ال Volkshochschule ولا لا مهند مشتاق لك واتمنى انو ترجع هي الايام هلا يمكن صار عمرك بال30 وانت عم تقرا الرساله ووصيتي الك ( كن مع الله ولاتبالي صلاتك اهلك وناسك من الدرجه الاولى اولادك وعيلتك كون مخلص لشغلك لانك انت سفير لبلدك ولدينك ولنفسك اذا وصلت لهالسطر معناتو انت عايش وقادر تقرا وغالبا رح تكون بخير مهند منذ 10 سنوات