من امواج الى امواج،تاريخ 20ابريل2016

مرحبا يا أمواج ، انا امواج هذي رساله انتي كتبتيها قبل عشر سنوات، المهم وش سويتي وش صار عليك ناظري حولك كيف صارت حياتك، تغيرت والا زي ماهي؟ كتبتي هذي الرساله وانتي ثالث جامعه في الظهر الساعه12 و50 دقيقه وعندك اوف يعني الغداء عليك، تدرين وش الغداء اللي بتسوينه؟ دجاجه متبله في الفرن ورز ابيض وبطاطس مقليه يوم الاربعاء، كنتي تتابعين مسلسل بويراز كارايل ومسلسل اغنيه الحياة ومسلسل مسألة شرف كلها مسلاسلات تركيه، طيب توظفتي؟ عاجبتك وظيفتك؟مرتاحه فيها؟ طيب امك كيفها طيبه؟وابوك كيفه؟تزوجتي والا باقي؟ واخواتك في احد منهم تزوج او مخطوب؟ وعادل كيفه معكم تغير؟ عبود وش صار عليه يوم كبر اللحين هو عمره 15 سنه يعني ثالث متوس او اول ثانوي، طيب رحتم بيت جديد؟ سويتي مشروك؟اذا كنتي باقي ماسويتيه اكيد انك باقي ماجمعتي فلوس له، لاتيأسين المشروع اللي في بالك لازم تحققينه، مدري يمكن توصلك رسالتي هذي وتشوفين قد ايش انا ضعيفه في الاسلوب لانك طبعا خلال هذا الوقت قريت كتب كثيره وتوسعت ثقافتك اتمنى يكون اللحين عندك مكتبه وصرتي تروحين معرض الكتاب في الرياض، المهم يالله مع السلامه ما اطول عليك واقري كتب كثيره واعبدي الله زين ولاتتكاسلين عن الصلاه واذا كنتي حزينه تأكدي ان حزنك هذا نعمه من الله عشان ترجعين له وخافي الله في السراء والضراء والسر والعلن،(استودعتك الله وجميع من تحبين)