A letter from Nov 12, 2025

Dear Future شهد السلام عليكم ورحمة الله ازيك يا شهد عاملة ايه اتمنى تكوني بخير في الوقت اللي هيوصلك فيه الاميل ده هنكون خلصنا تالتة ثانوي النتيجة ظهرت كمان ان شاء الله اتمنى انها تكون النتيجة المرجوة لكلانا ونكون وصلنا لمكان احنا نستحقه وتعبنا عشان نوصله فده كان تمن مجهودنا ولوحصل لقدر الله عدم توفيق ليا او بعد الشر ليكي فانا عندي يقين انا ربنا بيحوش لينا الاجر عشان يتضاعف وهيرجعلنا في وقت تاني احنا في امس الحاجة ليه وبعيدا عن الثانوية بجد هنبقى عاملين ازاي بعد السنه ؟ هنفضل عايشين؟ هنفضل كويسين؟ هنفضل صحاب؟ عامة انا بدعي ان كل ده يفضل موجود رحلة الثانوية مكانتش الطف حاجة بس كنت سعيدة بخوض تجربة زي دي وانتي صديقة واخت ليا يا شهد يارب ايامك كلها تبقى خير وفرحة وسعادة اتمنى نكون في وقت زي بنحضر حفلة اوائل الجوهري مع بعض او اي حاجة حلوة عامة مش هطول عليكي لان افتركت حوار البتاعة دي وانا سهرانة اذاكر كيمياء والاتزان الكيميائي مطلع عين اللي خلفوني واستودعكي الله الذي لا تضيع ودائعه والسلام عليكم ورحمة اللله وبركاته من رفيقتك التي تحبك وتدعو دوما ليكي بالخير رنا من اول هنا دي اضافات مش عارفة احطها في وسط اللي فوق عارفة يا شهد بجد والله مش بحبك من فراغ من ساعة ما بقى عندي الوعي الكافي اللي يخليني افهم الناس حواليا وعمري ما كان عندي حد في حياتي زيك بحس كتير اني مقصرة في حقك انتي دايما بتسالي عليا ولو زعلانه بتصالحيني وللاسف ساعات مش باخد بالي اني زعلتك فاتنمى تسامحيني لو زعلتك في مرة عارفة كمان كل مرة ابقى بدعي فيها لساني من غير ما افكر بيجيب اسمك سعات وانا بدعيلك الكلام ياخدني وانسى ادعي لنفسي عارفة برضو بتخيل كتير برضو ان انا وانتب طلعنا من اوائل الجمهورية والجوهري بيكلمني فقوله عارفة شهد اسلام اللي من الاوائل برضو دي تبقى البيست فريند بتاعتي شوفت الصاحب ساحب ازاي او ان احنا الاتنين نروح حفلة اوائل الجوهري وعبد المعبود ولما ندخل الكلية نبقى مع بعض فيها ونسكن مع بعض ونقعد نسهر بالليل وgirls night والحجات الكيوت دي وعارفة برضة بتخيل ان لما نكبر واجي احضر فرحك كده حاسة بجوز بنتي واقعد اعيط عليكي ونفسي نتجوز اتنين صحاب عشان كل ما هما يحبوا يتقابلوا احنا كمان نتقابل وتخيلات كتيييير اوي من دي كلها حلوة مش عايزين نتفرق بجد بحسها هتبقى كسرة ليا لو اتفرقنا عارفة رغم ان ممكن ابان باردة ومش بسال بس انتي دايما على بالي وبفتكرك بالخير ومن اسعد الحجات اللي حصل في حياتي هي صداقتك يا شهد ربنا يديمك ليا ويديمني ليكي اخت وسند وضهر بحبك في الله دائما وابدا يا شهودتي من رنا 12/11/2025