no subject

Dear FutureMe, هلا يا أنا، كيف حالك الحين؟ كيف قلبك؟ هل صرتي أهدأ من قبل؟ هل لقيتي راحتك اللي كنتِ تدورينها؟ أنا قاعدة أكتب لك وأنا للحين في دوامة التفكير والقلق. أخاف من المستقبل، وأفكر: بعد سنة وش بيكون وضعي؟ يا ترى بكون حققت شي جديد؟ ولا للحين أنتظر؟ ودي أسألك: وش اللي تغير فيك؟ هل صرتي أقوى؟ هل تعلمتِ تتجاوزين الأشياء أسرع؟ هل لقيتِ نفسك أكثر من قبل؟ وش الأشياء اللي ضحكتي فيها بعد ما كنتِ تبكين عليها؟ وش الأشياء اللي للحين تجرحين منها؟ أتمنى إنك الحين مرتاحة ولو شوي، مو شرط تكونين وصلتِ لكل اللي تبغينه، بس أهم شي يكون داخلك مطمئن. أتمنى إنك صرتي تحبين نفسك أكثر، وتسامحينها أكثر. أنا مؤمنة إنك بتكونين أحلى نسخة من نفسك، حتى لو ما تغير شي خارجي كبير. يمكن بس داخلك هو اللي نضج وتبدّل، وهذا يكفي. فـ قولي لي يا أنا بعد سنة: وش حالك الحين؟ هل أنتي بخير؟ 💖 مع شوقي لك، أنا القديمة 🌸