no subject

مرحبا ليان؟ اتمنى ان تكوني بخير وبصحة عافية، ما بعرف اذا راح تشتاقي لحالك القديمة او لا، او راح تحني للماضي تبعك لانك تفتقدي ناس منهم، مع انو هاي الرسالة راح تنبعت بعد سنة يعني مش مدة طويلة بس انا متأكدة بهاي السنة راح يتغير كتيير شغلات، انا حاليا بكتب هاي الرسالة الك عشان بعد سنة ارجع اقرأها. بتمنى الوقت الي اقرأها فيه اكون تغيرت كثير للاحسن ومو للاسوء. انا حاليا بكتب هاي الرسالة والساعة 10:47pm قاعدة على تختي وبكتبها. حاليا قاعدة بتبع نظام رجيم لأنحف لأنو وزني صار اوفر كتييير حاليا وزني ٨٣ كيلو! انتِ متخيلة انو بنت بعمر ١٥ سنة وصل هيك وزنها، هاد كلو بسبب اهمالي لنفسي بس بتمنى انو وقت ما اقرأ هاي الرسالة اكون نحفت ووصلت لوزن مثالي والي بحلم فيه. بدي اسألك كم سؤال وجد بتمنى تكون اجابتهم اه ابوكي لسا عايش صح؟ ما مات لا سمح الله... بعرف انو كبير وعمرو وصل للستين بس جد ما بقدر اتخيل حياتي بدونه هو سندي ممكن مش دايما معي بس انا عارفة طول ما هو موجود انا راح اكون مبسوطة عمرو ما قلي لا على شغلة ولا عمرو رفضلي طلب، الله يطول بعمرو بصحة وعافية🤍 طيب امك؟ لسا موجودة صح وبصحتها وعافيتها، خلصت القروض والديون الي عليها صح؟ صارت مبسوطة وما تاكل هم المصاري ؟ واكيد ا انها صارت بوظيفة او مكان في شغلها احسن وراتبها صار عالي وبتعدى ال٧٠٠ دينار وصرفولها حوافز، صح؟ اخوكي طيب؟ خلص القروض والديون الي عليه؟ بطل يشتغل بشغل توصيل الناس لانو بدو مصاري وما معو صح؟ وضعو تحسن بكثييير انا متأكدة، والهم والضيق والتعب الي كبرو ١٠ سنين زيادة راحوا صح؟ مرت اخوكي عنود؟ صارت احسن ؟ صارت تشتغل وتساعد اخوي ولا لسا طماعة؟ انا بحبها بس حركاتها مستفزة كثير وغير انها بتحط امي سبب لمشاكلها هي وليث حمودة ؟ كيفو؟ اكيد لساتكو بتتهاوشوا انتِ وياه😂😂 اكيد هسا كبر ودخل المدرسة او الروضة وتعلم وصار شاطر صح؟؟ غلا؟ هل قدرتي تحبيها ولا لسا مش متقبليتها؟ انا ما بعرف شو سبب كرهي الحالي الها بس جد ما قدرت احبها عكس حمودة. على كل حال، انا بعرف وقت ما تنبعت الرسالة راح تكوني توجيهي سنة اولى، اتوقع راح تكوني مخلصة امتحاناتك الاربعة، بس بتمنالك من كل قلبي وبدعيلك انو تخلصيهم بصحة وعافية وعلامات كاملة وفل وتطلعي الاولى على المملكة سواء بالسنة الاولى او بالثانية، انا متأكدة انك تعبتي كثييييييير ودرستي وحرمتي حالك عشان تحصلي النتيجة العالية والي بالتسعينات ويارب يارب تكون ١٠٠٪. انا كثير بحبك يا ليان المستقبلية، امانة ما تخيبي امالي فيكي... انا متأكدة انك راح تكوني نسخة احسن بكثيير من هسا واكيد بطلتي تستحي وصار عندك صحبات كثييييير🤍