no subject

Dear FutureMe, أهلًا يا شهود المستقبلية، يمكن تكونين تغيرتي كثير خلال هالثلاث سنوات، بس أبيك تتذكرين شهود القديمة، اللي كانت تمر بمرحلة صعبة وتتمنى أشياء كثيرة، يمكن كانت حاسة إنها مستحيلة، بس رغم كل شيء كانت تدعي كل يوم وتتمسك بالأمل. أنا الحين خريجة ثانوية 2023، ونسبتي حلوة وكنت متفائلة، بس فاقدة الأمل من القبول الجامعي، خاصة إن القدرات كانت معقدتني وتعبتني نفسيًا. ومع كل هذا، قلبي موجوع لأني على وشك أودّع فصلي وصحباتي اللي كانوا قطعة من قلبي، ويمكن هالوداع هو أصعب شعور أمر فيه. بس أتمنى من كل قلبي إنك الحين تقرين هالكلام وانتي طالبة جامعية، تدرسين تخصص تحبينه، مقتنعة فيه، ومبسوطة بحياتك. وإذا ما انقبلتي – لا تيأسين. طوري نفسك، سوي شي يضيف لك، تعلمي، اشتغلي، جربي، بس لا تقعدين بالبيت. شهود مكانها مو في الزاوية، شهود تستحق تكون في مكان يليق بطموحها. لا تزعلين ولا تتحطمين، يمكنها خيرة، (وعسى أن تحبوا شيئًا وهو شرٌ لكم). أتمنى إنك ذقـتِ طعم النجاح، وجنيتي ثمار كل التعب والمجهود اللي بذلتيه. انتي تستاهلين كل شي حلو، كل فرحة، كل راحة، كل فرصة طيبة. أتمنى إنك بخير، بكامل صحتك وعافيتك، واقفة على رجلك، سند نفسك بنفسك. وإذا كنتِ تمرين بضغط، سواء نفسي أو دراسي، تذكّري: ما في شي صعب على رب العالمين. فترة وتعدّي، صدقيني يا شهود، الله دايم معك. الله يوفقك ويكتب لك الخير بكل خطوة. — شهود ❤