Press ← and → on your keyboard to move between
letters
Dear FutureMe,
اتمنى انك تكوني خسيتي
اتمنى تكون القناه بتاعتك كبرت
اتمنى اصلا انك لسه شغاله عليها
اتمنالك من كل قلبي ان ده يكون اسعد عيد ميلاد عدى عليكي♥️
انا عارفه انه مش سهل مش سهل حتى على نسختي بتاع دلوقتي اللي المفروض بتكلمك صعب بكل المقاييس
بس صدقيني النتيجه تستاهل ثقتك في نفسك تستاهل
حبك لنفسك هيزيد انتي تستاهلي تتحبي بعيونك
اتمنى انك تكوني أهدى شويه من فرط الحساسيه اللي عندك و بلاش عياط مع كل موقف
اتمنى يكون معاكي فلوس بجد علشان هي محرك الحياه
علشان انا حاليا بعاني والله و اكيد انتي هتكوني فاكره
احنا مش عندنا الا بنطلون واحد و غالبا اترفضتي في الانتر فيو بسبب لبسك الغير مرتب او جميل
اتمنى انك تكوني لابسه النهارده البيچامه الحمرا و قاعده بتحتسي كوب من الشوكولا الساخنه و قطع البيتزا اللذيذه
وقت ما تقرأي المسدچ هيكون عندك ٢٨ سنه عايزاكي تفتكري انك لو متغيرتيش دلوقتي مش هتعرفي تتغيري على الاطلاق و اتمنى انك تقفي بعد كل وقعه
الانسان بيقع عادي و بيقف بعدها
و اتمنالك كمان متكونيش عايشه في نفس البيت اللي بيأذيكي نفسيا للدرجادي اتمنى اننا نكون نقلنا او حتى حسنا من وضعنا الحالي
و اكيد انتي يا انا بتاع الكام شهر الجايين في ايدك مصباح علاء للدين السحري
و عارفه انك ممكن متعرفيش تحققي حاجات منهم بس ارجوكي حاولي علشان حتى نكون حاولنا
المفروض اصلا انا اللي احاول مش انتي بس ما علينا
لااااف يووو سو ماتش ♥️♥️♥️
Sign in to FutureMe
or use your email address
Create an account
or use your email address
FutureMe uses cookies, read how
Share this FutureMe letter
Copy the link to your clipboard:
Or share directly via social media:
Why is this inappropriate?