A letter from Jul 20, 2025

Dear FutureMe, كيف حالك؟ عمري حاليًا 17 سنه و بقى على تخرجنا 11 شهر، انا حاليًا شايله هم القبول بس على وقت ماتشوفين ذي الرساله بتكونين عارفه اذا انقبلتي او باقي، بشد حيلي بالقدرات و التحصيلي بس عشان ابكي على ذي الرسالة فرحًا مو حزنًا، ببكي فرحًا عشاني حققت الي ابيه و اتمناه، اتمنى تشاركين رسالتك ذي مع كل من يعز عليك، و اتمنى ان اول شخص تشاركينه ذي الرساله هي رهف، اتمنى ان علاقتك مع رهف ماتتأثر بأي شيء ممكن يصير بالدنيا لأن رهف هي الوحيدة الي مابقدر على فراقها والله، احس افكاري ملخبطه فيه اشياء ودي اكتبها بس ما ابي اذكر نفسي فيها بعد سنة و انا احاول اتخطاها حاليًا، اتمنى انك مافهمتي وش اقصد و انك تكونين ناسية تمامًا كل شيء سيء مر عليك حاليًا، كيف كان التخرج؟ زي ماتمنيتيه؟ بكيتي على صحباتك؟ بلكتي الي نويتي تبلكينهم؟ مين بقى معك بعد كل ذي الرحلة الطويلة؟ شهر واحد يكفي تعرفين فيه مين بقى و مين انتهى دوره في حياتك، وش انقبلتي؟ و اذا ما انقبلتي وش ناويه تسوين؟ مع اني اتمنى من كل قلبي انك تنقبلين، انقبلتي بنفس الجامعة مع رهف؟ وش جتك هدايا لتخرجك؟ ذا اكثر شيء متحمسه له صراحةً، وش شعورك حاليًا و انتِ تشوفين نفسك بعد سنة كاملة؟ نفسك بعمر ال17، مدري ليه البرنامج بدأ يعلق صراحة بس مو مهم بحاول اكمل كتابة و اسوي نفسي ما اشوف، كنسل لقيت حل حطيت مسافه و كتبت فوقها ههههههههههه، المهم يارب انك لقيتي الشخص الصح الي بيعوضك عن كل شيء سيء صار و بيصير لك، ان شاء الله تكون الجامعة هي بداية حياتنا الجديدة الي من طفولتنا طمحنا لها، و ان شاء الله يكونون صحباتك في ذي الحياة و يكون وجودهم دائم مو مجرد فترة و تمشي بدونهم، اتمنى لنفسي كل السعادة الي ممكن تتحقق لي و اتمنى اعيش الحياة الي تمنيتها و اتمنى اعيش مرتاحة و تكون همومي اقل الهموم بالدنيا يارب، بالتوفيق بكل شيء و ادعي لي اشد حيلي بالقدرات عشاني ان شاء الله بادية اليوم مذاكرته، على الطاري كم جبتي بالقدرات و التحصيلي و الثانوي؟ كم موزونتك؟ سوالفي كلها عن الجامعة عشانها اكثر شيء شاغل بالي حاليًا والله، بالتوفيق بدنيتك و بالتوفيق لرهفون برضو افضل شاروخان بالدنيا☝🏻 باي باي ياجدو