A letter from Jul 19, 2025

Dear FutureMe, هلا سدوم انا انتي بس قبل سنه اكتب لك هالرساله وانا وسط مليون شعور خوف فضول ضغط امل ودايم اسأل هل راح يتغير شي هل بصير الشخص اللي ابيه ما ادري انتي وش تسوين وانتي تقرين هالكلام بس اتمنى انك فخوره بنفسك حتى لو ما وصلتي حتى لو باقي المهم انك مشيتي تعرفين الان انا مشغوله كثير بالقدرات والابتعاث واحاول اجهز نفسي لحياه كبيره كنت اتخيلها قدامي كنت ابي احقق شي يفتخر فيه قلبي قبل اي احد وكنت اتعب واتضايق واقول ما اقدر كثير بس ارجع واكمل لاني ما كنت ابي اخذل نفسي طيب وش صار على عبود رجعت علاقتكم ولا تخطيتيه خلاص هل صرتي تتكلمين عنه عادي ولا للحين اذا تذكرتيه تحسين بشي بقلبك كيف جوري للحين معك ولا الدنيا فرقتكم كنت اموتت عليها واخاف اخسرها وانتي الحين وش تخصصك مشيتي بخط الطب ولا لفيتي بدرب ثاني هل قدرتي تقفلين على القدرات وتفتكين منه ولا للحين تحاولين هل قدمتي ابتعاث ولا بعدك تنتظرين الفرصه انا وقتها كنت احاول الاقي نفسي وسط كل شي علاقتي باهلي مو ثابته احبهم بس اتعب امي بالتحديد كنت اتمنى اكون اقرب لها بس ما اعرف كيف كنت اخاف اتعلق واتمنى دايم يكون حولي ناس تفهمني وتحسسني اني كفايه سديم لو قريتي هالكلام وانتي لسه ما وصلتي لهدفك عادي اهم شي انك حاولتي ما خذلتي البنت اللي فيك اللي كانت تحلم وتقول انا اقدر اتمنى ضحكتك للحين وصحتك افضل وقلبك ارتاح واتمنى قلتي لا لكل شي يوجعك وقلتي ايه لكل شي يريحك واتمنى تعلمتي تختارين نفسك اكثر انا احبك حتى بنسختك التعبانه الضعيفه الضايعه انا معك دايم حتى لو تغير كل شيء