A letter from Jun 27, 2025

السلام عليكم يا أنا، اليوم التاريخ 1447 هـ، وكتبت لك هذي الرسالة عشان توصلك إن شاء الله في سنة 1448 هـ. يا ترى وين وصلت؟ هل انتَ أقوى؟ هل انتَ أقرب للي تبيه؟ كتبت لك قائمة طويلة بأهدافي، واليوم أراجعها وأنا أتمنى من قلبي إنك حققت ولو نصها على الأقل. كنت أتمنى إنك: • التزمت بصلاة الجماعة في المسجد، وصارت جزء من روتينك اليومي. • صرت تشوف الحياة من زاوية مختلفة، إيجابية، ناضجة، ومتفائلة. • لقيت أخويا حقيقيين يناسبون عقلك وروحك، ويدلونك على الصح ويحمونك من الغلط. • طلعت رخصتك وصرت تسوق بسيارتك (إن شاء الله تكون شريت وحدة). • صرت تركز على المستقبل بدل ما تعيش في الماضي، وتفكيرك اتغير للأفضل. • جلست مع أمك وأبوك أكثر، وبريت فيهم بعيونك، بكلامك، بوقتك. • قدرت تدخر مبلغ وقدره، حتى لو قليل بس أنت اللي جمعته. • خلصت الترم الصعب بسلاسة، ودخلت التخصص اللي يناسبك ويرتاح له قلبك، وتفوقت عليه أكثر من السنة التحضيرية. • ضبطت السيت أب حقتك حتى لو بتعديلات بسيطة. • احترفت لعبة غير ماينكرافت. • طورت لغتك الإنجليزية، ووقفت وراك المجهود. • تعلمت البرمجة وصار عندك مشاريع حتى لو بسيطة. • صرت تحب القهوة السوداء؟ يمكن؟ • نزلت 3 كيلو؟ ما أدري، بس صحتك صارت أهم. • صرت تهتم ببشرتك، بجسمك، بطاولتك، بغرفتك، وبمفاتيحك بعد 😅 أتمنى إنك زرت البوليفارد، وسافرت دبي، وطلعت لحالك مرة واكتشفت فيها شي جديد عن نفسك. أتمنى إنك ما ضيّعت ذكريات السنة، وإنك حفظت مباني ماينكرافت بصور ترجع لها بعدين وتضحك. أتمنى إنك كنت خططت أعياد الفطر والأضحى ولبست كشخة قبلها بأسبوعين، وعشت رمضان 1447 بطريقة روحانية عظيمة. أتمنى إنك كنت مجتهد من أول السنة، وما أجلت شي، وإن مكافأة التفوق جتك، ومعدلك كان 4.70 أو أكثر، يا بطل! أتمنى إنك كملت مسلسلاتك على نتفليكس، ونزلت تصوير كويس، وبوستات حلوة من أماكن زرتها. أتمنى إنك قابلت شخص من الطفولة فجأة، وإنك حصلت شلّة الأحلام: يلعبون ماينكرافت، يتابعون مسلسلات تركية، يضحكون على نفس الأشياء، ويفكرون زيك. أتمنى إن ماما وغالية حصلوا وظائف تفرح قلوبهم، وإنك فرّحت قلب أمك وأبوك بإنجازاتك وكلامك الطيب. أتمنى إنك ما فقدت أحد، وإنك عشت السنة بفرح وسلام، وإنك ما خذلت نفسك، وما أعطيت أحد أكبر من حجمه. أتمنى إنك كنت قادح: ما استسلمت، وما تراجعت عن حلم، وحاولت عشان كل شي تبيه. أتمنى إنك تذكرت كل الأيام الحلوة بهالسنة، وإنك طلعت من شخصيتك الانطوائية وصرت مشرق، متفائل، نشيط، ومبادر. أخيراً، أتمنى إنك صرت شخص أنتَ فخور فيه… وإذا ما قدرت تحقق كل شي؟ عادي. المهم إنك كنت تحاول. تذكر دايمًا: ربي شايف تعبك، وكل خير جاي بالطريق. من أخوك/نفسك في سنة 1447 ❤