A letter from May 25, 2025

Dear FutureMe, هاييي لوولوو انا ليان فالماضي و قلت خليني اقول كم شي عندي فضول عنو ، اول شي فين سرتي تدرسي ؟ جامعه مقرن ولا ضليتي في طيبه ؟ و كيف الاعلام ؟ هل هوا زي مااتوقعتي مليء بالفن ولا يطفش ، هل خلصتي كورس الادويه ؟ و اتمنى انو نفسيتك اتحسنت ، انا قاعده اكتب الرساله دي فالتاريخ اللي يقولو عنو خطير و مدري ليش حاسه انو في فايروس جديد حيجي و انو الكهربا منجد حتنقطع ، اتمنى انو الدنيا مارجعت تتدمر تاني زي ماحصل في ٢٠١٩ ، دحين عمري ١٨ و حتوصلك الرساله لما تكوني قريبه تدخلي فالعشرين لاتحسبي انك سرتي عجوزه لانو مستحيل روحك تكبر 😂 انا واثقه من الشي دا ، كونتي صداقات جديده ؟ سرتي قريبه من ريم اكتر ؟ رجعتي انتي و رواء صحبات ؟ مح اكزب وحشتني رواء و اتمنى انها تكون كويسه دحين ، كيفك انتي و لارا و ريتاج لسا صحبات اكيد ؟ ولا الدنيا اخدتكم من بعض ؟ و افتكري اني لسا احب كل نسخه من ليان حتا لو وصلتي لستيج فيوم من الايام يخليكي ماتحبي نفسك ، الماضي و المسقبل مجرد وهم انتي شخص واحد و انتي كملتي ١٨ سنه تحبي نفسك و تقدسيها مستحيل سنه وحده تخليكي تحسبي انك ماتحبي نفسك ، لسا تستخدمي فواصل في كلامك ؟ بدأتي تتعلمي اسباني ؟ دخلتي بطوله فالكيكبوكسينق ؟ او اي بطوله في اي رياضه تحبيها ؟ لانو صراحه دحين انا مو عارفه انا ايت رياضه ابغا اكمل عليها بس اتمنى انك انتي لقيتي الطريق و بديتي تنمّي نفسك فيها ، بنيتي نفسك فالاعلام ؟ ابغا لما ادخل مجال اكون احسن وحده فيلو حتا لو الاعلام انا مااخترتو اتمنى يكون هوا اللي اختارني لانو يعرف اني حكون كويسه فيه ، لقيتي زوج ؟ هههههههه احس دا اكتر شي بفكر فيه للاننن مني عارفه كيف حسوي بعدين ، اتوقع سنه مح تكون كفايه القى الشي دا بس اتس اوكيي كملي عيشي و كل شي حيجيكي في طريقك انا هنا جالسه اشوف عالمي من الحاضر للماضي بمنظور رباعي ابعاد عشان اقللك عنو دحين ، انا اشوف انك عديتي ب طفوله/مراهقه صعبه خلت الانفصام يتجلى فيكي و على قوله ستو رقيه اللي تكون حياتو سيئه نهايتها مستحيل تكون سيئه و دا اللي اشوفو فالافلام كمان 🤗 انا عندي نظره ثاقبه و عارفه انو مستقبلي حيكون مرا حلو و لازم بس اكمل على تخطيطي ، بس والله انتبهي على نفسك و خلي اليوم يكون حلو و عيشي فالحاضر دايماً 🤗