A letter from May 15, 2025

الى صاحبة الروح الجميلة والابتسامة الصادقة والعيون الساحرة نسوسي❤️ وبعيدا عن التفخيمات دي بجد في كلام كتير عايزة اقوله ليكي وحاجات كتيرة عايزة اشاركها معاكي السنادي عملت انجازات كتير وفرحت لنفسي وبنفسي كتير الحمد لله واكتشفت ان مش دايما غلط ان الواحد يطلب اهتمام احيانا اللي قدامه مش بيكون واخد باله مش اكتر ومستني حد ينبهه عيد ميلادي دا هالة جابتلي بوكيه ورد واكل جميل وبقالها فترة بتقولي عايزة نعمل سوا بيكنيك وعايزة تتصاحب عليا وشيفاها بقت قريبة مني بشكل عام لسة ان شاء الله فالمستقبل هاخد خطوة الشجاعة اني اعاتبها ومن الحاجات اللي عايزة اخد بالي منها بردو السنة الجاية دي اني احط نفسي اولوية شوية وابطل شغل الdoormat اللي بحط نفسي فيه دا حب نفسك اهم من اي حاجة محدش هيحبك اكتر من نفسك ومحدش هيفهمك اكتر من نفسك مهما اتشقلبتي متزعليش على حد راح او حاجة ضاعت او شئ مش بايدك عموما كلها اقدار من ربنا وافتكري ان لو كان خيرا لبقى🤍 انا دلوقتي داخلة تالتة ثانوي المفروض الصراحة عايزة اكون انانية السنادي مش ههتم لحد ولا لمشاعر حد ولا هراعي حد على حساب نفسي ف يوم عيد ميلادي كنت زعلانة اوي ان محدش بعتلي غير شكو بس بعدها لقيت الرسايل من كله حتى لو بعدها بيوم وحتى لو انا احتجت اقولهم الاول بس مش مهم المهم انها جت والاهم اني فرحت لنفسي واحتفلت بنفسي ودي اكتر حاجة مفرحاني نزلت خرجت مع نفسي وجبت لنفسي هدايا وغنيت لنفسي ورقصت لنفسي واعتنيت لنفسي واتمنا انتي كمان تعملي دا يهناء الصراحة اللحظة دي مؤثرة ليا جدا عشان انا كدا خلاص بنتقل من كوني الطفلة الهوجاء اللي مش هاممها حاجة لكوني واحدة ف تالتة ثانوي بتبني مستقبلها عشان كليتها وبتحط اول حجر من احجار المستقبل ف هحح الصراحة مش عارفة هل هنضج فعلا ولا هفضل بنفس العقل بس اتمنى انك تكوني نضجتي ينسوسي وتعرفي تختاري صح وتقدري اولوياتك صح وتكوني خير مثال للشخص الجميل اللي مش بييأس انتي حد جميل اوي يهناء حتى لو الف حد حسسك بغير كدا ف انا عارفة قد ايه انتي قلبك ابيض وقد ايه انتي فعلا شخص يتحب ويتعاشر ويتحضن ويتطبطب عليه ف كوني واثقة دايما من دا وان اي حد بيخسرك او بيكسبك دا شئ ف ايده هو مش ف ايدك انتي متستهونيش بنفسك واسمعي نصيحة مامتك اما قالت خليكي دايما قوية ف خلي شخصيتك قوية ينسوسي انتي قدها وقدود المهم تعملي اللي عليكي عشان تكوني مصفية نيتك والباقي كله على ربنا انا عارفة ان انتي دلوقتى زمانك مضغوطة من الامتحانات وقلقانة بس متقلقيش انا بوعدك من دلوقتي اني هعمل كل اللي اقدر عليه والباقي صدقيني مش بايدك المهم انك حاولتي يارب تكوني قربتي من ربنا شوية ومن اهلك شويتين ايه اوضاعك انتي واهلك دلوقتى؟ حد انضاف للعيلة غير فريدة وحسان وصوفي ويحيى؟ وابن او بنت اسامة واميرة عاملة ايه؟ ايه النفسية العامة فالبيت؟ بالله عليكي حاولي دايما تربطي كله ببعضه خليكي انتي حلقة الربط الصغيرة عمرك ما هتلاقي حد واثقة من نيته مليون فالمية زي اهلك ف حبيهم ومتطلبيش غير منهم علاقتك انتي وبابا وماما عاملة ايه؟ علاقتك مع ربنا اخبارها؟ علاقتك مع احمد مع عمر مع هالة مع سلمى مع كله ايه اخبار علاقاتك عامة ربنا يوفقك يهناء بجد وتحققي كل اللي نفسك فيه يارب وتعيشي سعيدة الانسان لو مكنش سعيد ب كوباية قهوة ف ايده مش هيسعد حتى لو معاه فلوس الدنيا كلها السعادة شئ انتي تحدديه لنفسك مش مجرد اما توصلي هتكوني سعيدة السعادة مش وجهة السعادة طريق بس مش هطول عليكي اكتر من كدا بس كنت عايزة اقولك اني فعلا بحبك وفعلا معملتش اي حاجة غير عشان كنت شايفة فيها الخير ليكي🤍 مع حبي نسوسي❤️