A letter from Apr 21, 2025

Dear FutureMe, اتمني تكوني بخير وتكوني فخوره باللي انا بعمله دلوقتي مش ندمانه علي اي حاجه عملتها انا وانتي واحد بس ممكن الزمن عدي واختلفنا في شخصيتنا وافكارنا بس اتمني اننا منختلفش في مبادئنا ومتنسيش ايه هو هدف وجودنا في الحياه (عبادتنا لربنا) اي حاجه تانيه فهي هدف دنيوي هيفني الفرق هيعيش قد ايه والاثر اللي هنسيبه بعد موتنا احنا مش مخلدين فيها بس احنا هنا بنعمل اللي علينا انا بس بحاول بس النتيجه مش بتاعتي بتاعت ربنا وانا واثقه ان ربنا هيدينا علي قد سعينا الحياه صعبه في كل الاحوال الفرق الطريقه اللي بنشوفها بيها والصحبه اللي بتهون الوحده صعبه دلوقتي بس خلاص بقت جزء مني مش عارفه وقتها هيبقي ربنا رزقك بصحبه صالحه ونافعه ولا لأ بس خدي بالك كويس انت بتصاحبي مين ابقي وحيده افضل مليون مره انك تختاري اشخاص غلط يبقوا معاكي الحمدلله دلوقتي راضيه عن حياتي وعن نفسي عشان بحاول حتي لو مش كل حاجه prfeto اه بتعلم ايطالي إن شاءلله وقتها اكون مستوايا فيه كويس مش عارفه مكاني الصح فين خايفه اختار مجال غلط الطريق ضبابي اوي بس خير إن شاءلله ممكن اكلمك عن اللحظه اللي عيشاها دلوقتي قاعده في البيت دلوقتي مش في السكن الحمدلله بالرغم اني بدأت اتعود عليه بس انا غايبه اسبوع من المدرسه وهقعدهم في البيت مع العائله الكريمه اما دلوقتي بقا ف علي السرير في الضلمه بس نور الفون ماما نايمه بعد مقعدت اتفرج معاها علي التلفزيون شويه وبابا في الصاله حاسه ان طفله موت بس مش مهم ايه عند ستي وفي الاوضه لوحدي في هدوء قررت اكتبلك اه نسيت اقولك في القليل من نسمات الهواء البارده بس قفله الشباك فسمعاهم بس مش حساهم اروي بعيدا عن كل الحاجات اللي هتزول دي مفيش غير عقلك اهم حاجه تحافظي عليها هو موجود وسليم اذا انت موجوده ك مقوله ديكارت انا افكر اذا انا موجود ودينك هو الاهم حافظي عليه وقربي من ربنا ولو حاسه انك تايهه مفيش غيره القرآن وقيام الليل والدعاء خليها عاده متتقطعش في كل احوالك وقدري نعم ربنا عليكي والرضا هو مفتاح انك تعيش مبسوطه بجد دايما ارضي بقضاء ربنا ليكي واحمديه دايما واللحظات الصعبه بتعدي هي والكويسه والله فعشيهم الاتنين والصعبه اتعلمي منها خليكي دايما قويه وفخوره بيكي في كل الاحوال بس حاولي دايما بحبك عمتا 😂🩵