Press ← and → on your keyboard to move between
letters
Dear FutureMe,
ازيك ي سما، عاملة اي، طبعا انتي نسيتي الرسالة دي اصلا، بس انا جايه افكرك بيها، اتمنى لما اجيلك الاقيكي احسن بكتير من حالك دلوقتي، تكوني عملتي قناة تيك توك وفتحتي براندك الخاص بتاع السكين كير وتكوني نزلتي تدريب ف المستشفى عشان تخلي بالك من ارواح الناس وياريت تقوليلي موقف حلو حصل معاكي مش قادرة تنسيه، اتمنى الاقيكي دخلتي كلية تجارة زي مكان نفسك واشتغلتي ف الريل ستيت وخدتي خبرة وبقا عندك معارف حلوين، ياريت الاقي بشرتك اتحسنت وجسمك بقا زي مبتتمني وبقيتي منتظمة ف الجيم، اتمنى الاقيكي ناجحة وشاطرة ومفرحة مامتك، هاتيلها شقة حلوة وساعدي زياد يفتح مشروعه الخاص ويتجوز وساعدي سعيد ف مذاكرته واستثمري فيه عشان يبقا ناجح وتفكيره سوي، خلي بالك من مامتك وافتكري انها اللي بتدعمك وبتساعدك وخلي بالك من نفسك وصحابك، اتمنى الاقيكي بقا عندك صحاب كتير ومتكونيش وحيدة واعمليلك اسم ف السوق يخلي اي حد يتمنى يشتري منك واتمنى برضو الاقي علاقتك بربنا بقت احسن بكتير من علاقتك بيه دلوقتي، بالنسبة بقا لشريك الحياة، متهتميش بالموضوع دا دلوقتي وفكري ف نفسك وحياتك وانوثتك واعمليلك كارير يخليه فخور بيكي، خليكي ناجحة لوحدك ومتستنيش حد ييجي يخش حياتك ويخليكي ناجحة بسببه، خليكي احسن لوحدك ومتنسيش ان ربنا بيغفر وبيسامح، سامحي نفسك وحبيها ورجعي ثقتك بالناس واتدلعي وخليكي رقيقة ولطيفة وفيكي قبول اي حد يتمنى يكلمك، بحبك يا انا❤️🩹
Sign in to FutureMe
or use your email address
Create an account
or use your email address
FutureMe uses cookies, read how
Share this FutureMe letter
Copy the link to your clipboard:
Or share directly via social media:
Why is this inappropriate?