A letter from March 2nd, 2025

Dear FutureMeاول شي كل عام وانت بخير اليوم كان اول يوم رمضان، واول شي عملتيه انك رحتي درستي الولاد، مواعيدك دائما هيك اسوأ شي التخطيط بعدين الادراك اني وعدتهم بأول يوم رمضان اجي درسهم وما ادركت الا لما صحيت😀 المهم هاد الفصل اخر فصل راح تتخرجي مشاعر مخربطة بعرف خايفة من المستقبل وخايفة ما تجيكي ايام احلى من الايام هي، محتارة لسا بكونسبت مشروع التخرج تبقى قوليلي شو اخترتي بعدين وكيف صممتي البافتا، وموادك المملة اللي مالها داعي تاركتيا للزمن الجميل واعانة رب العالمين، كلو بيمرق بعرف بس جد عندي فضول اعرف وينك هلئ انت؟ شو عم تعملي؟ بعرفك بتكرهي تشتغلي بنفس الوقت بتكرهي الفراغ اللي بخليكي تتفرجي ٥٠ مسلسل باليوم على نفس القعدة، جواتك ابداع وكلام كتير لينقال، بس في شي مات ما بعرف ليش، ماعادت موجودة هديك اللمعة بعيونك لمعة اللهفة والحماس للمستقبل، كل شي فجأة تغير ماعاد عرفت مين انا، تبقى خبريني اذا عرفتي مين انا.. هي اذا عرفتي، لانو انا نفسي ما حليت مين انا، فهل يا انا المستقبلية راح تحليني؟