A letter from February 10th, 2025

جودي، كيفك؟ انا النسخة اللي اصغر منك.. صرتي ٢٢ سنة كيف ما بعرف.. جواتك لساته طري ما نضج ولا نضجتي؟ وينك حاليًا ؟ ضليتي بتركيا بعد التخرج ولا انتقلتوا عسوريا؟ عم تشتغلي ولا قاعدة بالفراغ؟ رفقاتك شو صار فيهم راما، تسنيم ونوران؟ شيلينا من كل هالقصص.. كيف قلبك؟ اللي كان عم يوجعك طاب ولا لسا؟ جودي، بتمنى تكوني مكان احلى من المكان اللي انا فيه حاليًا وبالك مرتاح وقلبك صفيان من اي شي وبتمنى تكون بتحبي حالك وواثقة من حالك اكتر مني لأني بعرف انك اقوى مني.. بتمنى تكوني استقليتي ماديًا وعم تشتغلي بشي انت بتحبيه، بتمنى مل عقدك تكون راحت، بتمنى تكوني لاقيتي الشخص اللي مرتاح معاه قلبك وبحبك لأنك انت مو مشان شي تاني.. بعرف انك حلمتي كتير ولسا عم تحلمي بس كل هاد ما راح يروح هباء تذكري منيح، بتمنى تكوني عم تنتبهي على صحتك اكتر مني، بتمنى تقعدي مع حالك اكتر مني وتكوني مرضية لأمك اكتر مني، انت اقوى وأحسن انا متأكدة؛ بتمنى تكوني سكرتي صفحات الماضي ولأنك احسن مني اكيد راح تعملي هيك، مو هيك جودي؟اخر شي بقلك ياه، عائلتك هي الوحيدة اللي راح تضل معك قدام كل شي، لا تنسي.