11:11

Dear FutureMe, مش متعودة اكتب عربي بس ومالهزي انهاردة من اربع ساعات كانت آخر مرة اشوفك فيهاعدى سنة كده علينا، انت متخيلة ؟؟ انا مستوعبة بالعافية صدقيني، احيه والله سنة ؟؟؟؟ عدت امتى وحصل ايه فيها وحصل ايه بيننا ، مش هستعبط بصراحة انا السبب في كل ده، بس مش موضوعنا ، من اسبوع شوفت بلكونة اوضتك وتقريبا تقريبا تقريبا جبتوا تكييف ، استنيتوا اني امشي يعني عشان تجيبوه ؟؟ يخربيت رخامة اهلك 😂انت فاتك حاجات فوق ما تتخيلي وانا متأكدة اني فاتني حاجات كتير بردو ، فاتك فترة رموشي وفترة شهر ١٢ اللي فات بكل ما فيه وفترة وقوع رموشي وعيد ميلادي وطلاق ابويا وامي في رمضان وكنت مكتئبة انك بعدتي وان حياتي بتنهار من كل النواحي ومش متأكدة من ولا قرار اخدته ، حتى قرار اني ابعد عنك كان سهل في الاول وبعدها بشهر بدأ يبقى صعب وبعدها بشهرين اتأكدت انك مش هتحاولي تمسكي فيا خلاص وتوقعت ان اليوم ده يجيوتخيلت يا ترى لما يعدي سنة على بعدنا انا هبقى عاملة ازاي؟ انت بقى عاملة ازاي ؟ عاملة ايه في المذاكرة والثانوية وبدر ورانسي وامك عاملين ايه ؟ ابوكي كده كده بشوفه على طول ، لسة بتشربي ستينج المعفنة؟ لسة بتتفرجي على ون بيس ؟ ولسة بتسمعي اغاني كوشي وارناف (يارب لا يعني) لسة بتكتبي كل الكلام غلط في الشات بسبب ام الكيبورد بتاعك ؟ لسة بتبعتي ستيكر اولعوا بتاعك ؟ لسة بتكلمي بودز ؟ واحمد الباشا حلو ولا وحش ما انا مروحتش اجربه بسببك 😆( متسألنيش عرفت منين انك هناك) اتعلمتي ياباني ولا بدر لسة كارفلك ؟ ولسة عايزة منحة تركيا ؟ لسة بتلبسي التيشرت الاسود اللي رقبته واسعة موت بتاعي ولا بطلتي ؟ وزنك زاد؟ قل؟ شعرك طول ؟ ولسة بتتفرجي على تيك توك وانت بتكوي شعرك ؟ ولسة بتدخلي بالجزمة في الشقة كلها عشان مش لاقية التوكة بتاعتك ؟ وسهر عاملة ايه وابنها ياسين اللي حملت فيه اول ما بعدت عنك سبحان الله 😂، انا متأكدة انك هتبقي خالة حلوة اويقولتيلهم كلهم ايه صح لما سألوا عني ؟؟ اكيد امك اللي اتكلمت وقالت هي حرة بقى اللي عايز يمشي يمشي والكلام ده ، متوقعة رد فعل ابوكي كمان وكله والله😂لسة بتقري الكلام اللي كتبته في النوت البيضا ولا رميتيها؟متأكدة بدر قالك احرقي كل حاجة وامسحي الصور ، طول عمري مش طايقة امه ✋🏼✋🏼لسة معاكي الشات بتاعنا ؟؟ او ريكورداتي القديمة؟؟وصورنا لسة معاكي ولا مسحتيها ؟ واصحابك الجداد مروة والبنت القرعة دي لسة معاكي ؟ وانت مبسوطة معاهم ولا زيهم زيي ؟ لسة حاطة ستيكر ريك اللي اخدتيه من بدر على ضهر موبايلك ؟ لسة بتعملي الايسد كوفي النتنة بتاعتك ( و اه بتاعتي احلى) ساعات بيعدي اليوم ولا بتيجي على بالي اساسا ولا كأني عرفتك وساعات يعدي يوم مبفكرش غير فيكيوبطلت افتح اكونت التيك توك بتاعك اشوف الريبوستات بتاعتك ، وبعدين ايه الريبوست ابن الهبلة بتاع برج الحوت اللي عملتيه ده يخربيت تفاهة امك والله مش عارفة انت نزلتي حاجة جديدة ولا لا مبقتش بفتح حاجة، كان نفسي يفضل شاتنا موجود او اي حاجةمعنديش ولا حاجة تفكرني بيكي غير الصور وكام رسالة على تيليجرام وانستا بس اتمنى فعلا تكوني بخير ومبسوطة ودرجاتك كويسة ومعاكي اصحاب كويسين وبيشجعوكي تذاكريمش هتكلم عن اسباب اني بعدت ليه لأنها مش هتفرق في حاجة وكده كده مهما قولت في اسباب هفضل في نظرك الشخص الشرير او الشخص الوحش في القصة فا فكك اسهلانا عارفة انك مكنتيش هتيجي ولا تبعتي بس كان عندي ذرة أمل انك تغيري رأيكمش هلومك بصراحة انا اكتشفت ان كان شكلي يقرف وشخصيتي كرينچ وتقرف وزنانة اوي ورغاية اكتر ودم امي سم وكنت محتاجة استحمى وانت كان ممكن تحاولي تغيريني بس دي مش مسؤوليتك فا عمري ما هلومك ، لانك وقتها كنتي محتاجة صاحبة مش واحدة تاخدي بالك منهاوانا للأسف كنت عيلة جدا ومش واخدة بالي من كده فا انا اسفة يا سما ، انت كنتي صاحبة مثالية ، كنتي رخمة شوية بصراحة بس كنت بحبك عارفة ، لو انا وانت كنا اتقابلنا دلوقتي كان ممكن نبقى اصحاب تحفة ، بس يلا بقى اللي حصل حصلواحنا مكناش لايقين على بعض وقتهافا شكرا انك استحملتيني بقرفي وهبلي وطفولتي وريحتي المعفنة وكل ده ، محدش استحملني كده بصراحةعشان كده لما جت الفرصة اني ابعد ممسكتيش فيامكانش في حاجة اصلا حلوة تمسكي فيها 😂😂بس بجد شكرا ،اوعي تفتكري في يوم اني بعدت عشان انت وحشة او حاجة ، انت كنتي من اجمل البنات اللي عرفتهايارب تفضلي كده على طول ، ولو مكتوبلنا في المستقبل اننا نتقابل تاني سواء بعد كلية ولا اي وقت ولا حتى بكرايمكن منرجعش زي الأول ، بس عالأقل هتيجي فرصة اشكرككالعادة دي واحدة من الرسايل اللي عمري ما هبعتهاوده كله كلام كان نفسي اقوله بس عمري ما هقولهبس كده فاااLove you