A letter from Aug 30, 2024

السلام عليكم.. يمكن ما تكون متوقع ولا واحد فالمية الي صار فهالسنة هاي.. يمكن ما تكون متوقع ولا واحد فالمية شخصيتك الحالية.. انت لا قدمت توجيهي ولا جبت اشي.. لا حققت احلام ولا عملت حاج.. يمكن لو تعرف الاشي الي بعمله هلقيت تتفاجئ!، انا هلقيت ببيع افلام! متخيل؟ معدلات عالية وحركات ودراسة الى واحد ببيع افلام.. كنت بدك تجيب الاول عفلسطين؟ كنت بدك تكون من الاوائل؟ كنت ناوي تكون مميز؟ للاسف يا صديقي بس لا شيء من هاد تحقق ما قدرت تعمل اشي.. هو اكيد مش منك الاشي هاد.. الي خلاك تصير هيك مش غلط منك.. مش عارف اذا انت يا انا المستقبلي مخلصة عندك الحرب ولا لا، او شو صار بالضبط معك.. بس بتمنالك التوفيق.. الان صحيت على ابوي وهو بقلي انه توجيهي رجع وانه خلص حنرجع ندرس، بقولوا حنقدم امتحانات بشهر 12، بصراحة لو كان الكلام جدي انا ناوي ادرسلهم بجدية، لانها يمكن تكون الفرصة الوحيدة الي ممكن اعرف فيها انا وين رايح، او حياتي لوين حتتجه بعد هيك، لانه هلقيت انا ضايع.. ان شاء الله تكون في مكان افضل انا مش متوقعه هلقيت ولا واحد بالمية.. ارجو ان تكون حققت اشي بحياتك حيكون عمرك 19 وقتها.. انا الان شغلي بيجيبلي فلوس منيحة.. يعني مبسوط من وراه.. ولكن هاد مش انا، ما بكون عمره انا.. اتمنالك التوفيق حقا بالنسبة لعادة السهر، فالحرب خلتها تروح بطلت منها اصلا.. اما انا الحالي ما بصلي، ولسا بشوف افلام معفنة.. ما تحسنت ابدا طيب اسيل؟ انا المستقبلي شو صار فيك معها؟ هل لسا بتكن مشاعر الها؟ هل هي اعترفتلك باشي؟ انا بصراحة الفترة الحالية احبها واتمنى ان تكون زوجة لي.. افكارنا قريبة من بعض جدا،.. ومتشابهين من عدة نواحي.. ان شاء الله يكون حبايبك لسا معك، ان شاء الله تكون بتحبهم ولسا بتكلمهم.. يا رب تكون افضل من كل النواحي.. الله يرحمك يا عبود..