A letter from Aug 29, 2023

Dear FutureMe, 29/8/2023 انا بصحة وعافية ، وأهلي كويسين الحمدلله ودا أهم شي ،عندي أحلى وألطف حبيب في العالم ، حالياً عمري 22 سنة لسه ما اتخرجت ، كان مفروض حسب الخطة الخاتاها لنفسي أكون اتخرجت وبديت اعمل الامتياز لكن ربنا عندو خطة تانية أحسن لي ان شاء الله ، السنين الفاتت من حياتي كانت صعبة وما ساهلة ابداً وكنت كل مرة بكون قايلة انو دي خلاص نهايتي لكن الحمدلله كنت كل مرة بنجو وبكون أقوى بس بحس انو انا خسرت جزء من نفسي ، أفكاري وشخصيتي كل فترة بتتغير والحمدلله بتتغير للأحسن كل مرة ببقى أنضج وأوعى ، حالياً احنا في الحرب البدت ليها ٥ شهور الى الآن قاعدة في مصر وما عارفة أعمل شنو ما عارفة استنى الجامعة ولا أحول ولا أشوف مجال جديد حاسة بي تخبط وبي ضياع رهيب وحاسة اني مربطة لكن الحمدلله على كل حال ، ما قادرة أحدد خطة مستقبلية ما قادرة اعرف حمشي على وين أحلامي كلها ضاعت وبديت أفقد شغفي ليها بس في جزء صغير من قلبي بقول لي انو الجاي أحسن وانو الأمور حتترتب كلها ان شاء الله ، لمن المسج دي تصل حيكون عمري25 ان شاء الله أكون بقيت في حتة أحسن وأهلي جنبي وبصحة وعافية وكمان لو كنت معرسة حبيبي يا سلاااممم حكون أسعد وحدة في الدنيا دي والحرب تنتهي ونرجع بلدنا ❤️ ، وان شاء الله حكون فخورة بي نفسي المستقبلية ❤️❤️❤️