A letter from Aug 29, 2023

Dear FutureMe,امممم وش ابي اكتب هاي من الماضي كيف حالك الحين؟ ان شاء الله بخير ومحققه اذا مو كل احلامك نصها على الاقل،كنت اتصفح تويتر شفت الناس كلها تنشر الرابط ذا وتقول اكتب رسالة لنفسك بالمستقبل والحين قااعد اكتب لنفسي لان ليش لا بكتب اشياء ابي احققها يارب ماتجي 3 سنوات الا وانا محققتها اول شي بشرح حالي الحين ، حزين مرا لان تخرجت من الثانوي وقدمت على الجامعات وللاسف مانقبلت لاكون صادق مع نفسي انقبلت بجامعة القصيم تخصص حاسب وماعجبني التخصص وانسحبت وكان يمدي اني اقدم يدوي بجامعة حايل بس للاسف فاتني خيره يمكن وقدمت على الجامعات اللي كنت ابيها مرا من يوم كنت في ثاني ثانوي وانا كنت اقول ابي ادخل جامعة البترول والمعادن ولا سعود ولا الاميره نوره بس للاسف موزوني طلعت 88 ومانقبلت بولا وحده يعني بس جاني قبول بجامعة القصيم تخصص حاسب مو ميولي والصراحة كان ميولي طب او تمريض او تخصص صحي يستاهل او هندسة ولاني قوية اخذت قرار اني انسحب من القصيم واخذ قاب يير اعيد قدرات وتحصيلي واختبر ستيب قدرات جبت فيه 95 وبختبر يمكن بعد شهرين اخر فرصه قاعد اذاكر له الحين واطمح للميه🙌🏻 بس وبعدها بختبر ستيب وتحصيلي جبت فيه 78 غاضب جدا لانها نزلت الموزونة حقتي ولاني قويه كمان بذاكر له واعيده واجيب ميه ان شاء الله لاحظت اني قاعد افضفض وش ذا تحمليني يا انا المستقبلة المهم خلاص خلصنا الحين من وضعي طيب الحين وش امنياتي للمستقبل ايش تبي يتحقق ب 3 سنوات ذولي ياحلو ياعسل ؟ . اتمنى اني دخلت جامعه حلوه وتخصص حلو . اتمنى انك ماتهتم لكلام الناس وتسوي اللي يريحك ويرضي ربنا اتمنى بعد اني اكون محافظه على صلواتي بوقتها واصلي الوتر راحه وربي صليتها قبل ثلاث ايام تمنيت اني كنت اصليها قبل والله احس اني غيمه ويوم صليتها كنت وربي ثقيله واحس مليون بلكة فوق راسي ويوم صليتها حسيت بشعور يالله مايعلم فيه الا ربي اقولك والله كنززز صليها كل يوم لاتخليها اممم بعد ايش ابي اكتشفت اني بسيطة اكبر احلامي اني ادخل بجامعه كويسه وتخصص له مستقبل ايوا ابي اصير اتعلم انجليزي يعني اصير فيه بلبل ها تسمع يانا بعد 3 سنوات؟ ايش بعد ابي اكون غنيه اتوقع هذي امنية الشعب كلله يوم كنت صغيرة كنت اقول ابي اصير غنية واساعد المحتاجين اللي مايلقون لقمة عيشهم يارب بعد 3 سنوات اني اكون غنية، لحظة ادراك ان اغلب الشعب بعد كان يتمنى الامنية هذي ولكن للاسف طلع هو اللي على قد حاله ويبي احد يتصدق له يارب اكون غنيه بس 😭😭😭 يالله عاد كثرت سوالف اتمنى يا انا من المسقبل اني ماكثرت عليك اي صح ياويلك تسحب واقرا الكلام كله لاهبدك برجلي اححح خلصت بس ذا اللي ابيه بالمستقبل؟ وربي اني بسطيه يازيني المهم يلا بروح اذاكر قدرات اشوفك بعد 3 سنوات ان شاء الله بتخصص احلامك وجامعة احلامك اتمنى لك الخير ولا تشدين على نفسك كثير تراك انسان مو مَشين يلا باي امزح ابي اسولف صدق طفش بس يمكن ماكون فاضيه بعد 3 سنوات اقرا الهبد هذا اييي صح انا الحين عمري 19 يمه بعد 3 سنوات يكون 22 سنه عمر النضج ها كيفك نضجتي ولا للحين مراهقة؟ اتمنى انك تقرين الكلام وانت مروق لاني ادري انك بتعصبين اذا قريتيه متاكد اتمنى اني اقرا الكلام هذا بعد 3 سنوات واذا لاسمح الله مت اتمنى من اللي يقرا ولا جاته الرساله على ايميلي او جوالي انو يتصدق عني ولا يتركني من دعائه بسم الله شفيني حزنت يارب لاتاخذني الا وانت راضٍ عني انتهت القصة وكنت انا بطلتها ترا مانتهت القصه للحين وماصرت بطلتها بس عجبتني العباره ذي ههه لا ان شاء الله بعد ماتجيك الرسالة ذي الا وانت باللي تبي وراضي عن نفسك وانتهت قصة كنت انا بطلتها لي بعد ثلاث سنوات باي احبك موااه🙌🏻☹️☹️حزين ابي اتكلم اكثر يمكن بعد ثلاث سنوات اقرا الكلام ذا واشوفه انه قليل واتمنى اني كتبت اكثر المهم يلا طولت باي اتمنى اتمنى صدق انو مايجي ذاك الوقت الا وانا سويت اللي ابي واذا ماصار اللي ابي عادي خيره تذاكري دائما ان الله ادرى فيك فالله يعلم وانت لاتعلم ماشاءالله شكلي الحين حكيم عاد كيف بعد ثلاث سنوات يلا عاد المرا ذي صدق باي لا امزح نسيت اقول اشياء احبها اففف اتاك بيخلص مقدر اشوف ليفاي☹️الحلقة الاخيره بالربع الاخير من سنة 2023 والحين احنا بشهر اغسطس مابقى شي وينتهي والله ضيقة بينتهي اول عمل خلاني ادخل عالم الانمي الجميل افف حزين 😢 صح بقى ون بيس ههههه تابعت منه اكثر من 80 حلقة اشك اصلا انك ماخلصتييه للحين يانا المستقبليه صح؟؟ مايحتاج واضح اصلا ههههه يمكن لي اكثر من نص ساعه اكتب منجد المرا ذي الوداع باي يا احلا انسان شايفك حزين ابتسم واذا كنت سعيد دومممم مواه💋💋💋🥰🥹💜🤟🏻🫶🏻👐🏻 اليوم الثلاثاء التاريخ 29/9/2023 ميلادي التاريخ هجري اتوقع والله اعلم انه13/2/1445 الناس رايحة للمدارس وانا بالبيت احلا شي اتعب سنه واجتهد واقدم السنه الجايه وان شاء الله على قد تعبك مقعدك ينتظرك باذن الله انتهيت صدق من الكتابه يلا مع السلامة السلام عليكم ورحمة الله وبركاته كاني كاتبه خطاب ياخي عجزت اسكت لازم اذب منجد يلا باي انقلع عطيتك وجه 🥰 Send to the future to me and I love you 💕