A letter from Aug 19, 2023

Dear FutureMe, هاي ازيك ي انا.... انا انت م الماضي حبيت اكتب لك الرساله دي عشان تشوفيها دلوقتي حاسه ان دا وقت ممكن تكوني محتاجاها فيه مش هطول عليكي انا معرفش المستقبل مخبي لنا ايه ولا اعرف هتكملي حياتك التعليميه ف اى كليه عارفه ان انت كان نفسك تبقى دكتوره و للاسف ربنا ماردش كدا عارفه لسه هتتقبلي ف اهليه ولا لا هتخشي حاسبات.. بيطري... مش هتفرق معانا ف حاجه و اكيد اى كليه هتدخليها او دخلتيها ف ليكي خير فيها لان دا اللي ربنا عايزه و ربنا مش بيحب لينا الا كل خير المهم انه يفضل ف بالك قد ايه انا بحبك و فخوره بيكي دايما المهم بس تكوني قد وعدك ليا بانك اي كليههتد خليها تبقى متفوقه فيها دايما شغلك عشان تبقى من المتميزين و المتفوقين انت مش اقل من حد.. انت ف نظري احسن مهنم كلهم و على رأي خالى... ادخلى كليه الحمير و ابقى الحماره الاولى 😂... كلام موزون جدا والله بس الصيغه يلا انا تفهه شويه و اتمنى تكوني لسه بتفاهتي دي مش هوصيكي على بابا و ماما دول تشيليهم جوا عنيكي و مهما عملوا هما دايما بيحبوكي و خايفين عليكيو دول اللي ليكي حافظي عليهم و اكيد مش محتاجه توصيه ع اللي بتحبيهم حتى لو افترقتوا دايما اسألي عليهم... مريم عصام.. و جحا.. حتى لو ملحقتوش تبقوا اصحاب اوي بس هما طيبين والله و اكيد مش محتاجه افكرك بقد ايه مي بتحبك و صاحبه بجد تعتمدي عليها ف حاجات كتير... بجد اتمنى الرساله دي توصلك و انتم لسه صحاب و تفضلوا محافظين ع العلاقه دي و محدش يقدر يدخل م بينكم حتى لو ف يوم افترقتوا لسبب ما اتمنى العلاقه بينكم تكون طيبه دايما و دايما بادري انت بالسؤال كام حاجه بقا اتمنى تكوني بطلتيها زي العصبيه الزايده و المود المتقلب كل ثانيه و دموعك اللي بتنزليها على اي حد... مش كله يستاهل ي بنتي... خدي بالنصايح بس ادرسيها الاول شوفي مناسبه ظروفك ولا لا... متمشيش ورا حد افتكري دايما كل مره مشيتي ورا خليل فيها ايه حصلك اه... اتمنى الشخصيه يكون زاد فيها شويه غموض يعني مش كل حد ارتاحتي له شويه تحكيله قصه حياتك... نعقل بقا اممممم.... مش عارفه اقولك ايه تاني خلى بالك من نفسك و اختاري بدقه و عنايه اللي انت ناويه تكملي حياتك معاهم سواء صحاب.. شريك حياتك... الدايره اللي حواليكي حاولي تختاريهم بعنايه عارفه طولت عليكي بس انت عارفاني بقا او فاكراني رغايه و كدا حفظكي الله و حماكي من كل سوء ي عزيزتي ♥