A letter from Aug 03, 2023

الى من زانت الحياة في عيني بعد لقائها رغد.. لكل امرئ من اسمه نصيب، ولعل رَغد الحياة اصبح من نصيبي بعد دخولها في حياتي❤️ بحياتي ماكتبت عن احد أبدًا لكن عنها؟ اقدر اكتب مقالات وسطور ولا تكفي ابد انها تعبر عن الي بداخلي. الانسانة الي علمتني معنى الحب ، معنى الصداقة، معنى الثقة، معنى الامان، الانسانة الي قدرت ترجع نبض الحياة لي احمل لها مشاعر والله مايعلم فيها الا ربي مشاعر امتنان وحب كبييير ، والله ماعرفت معنى الصداقه الحقيقيه والاخوة الا معها، لاول مره اخاف من فقدان احد لهذي الدرجه، دايم ابي لها الخير ويشهد علي الله ماتمنيت لاحد افضل الاشياء قد ماتمنيته لها ، اخاف عليها وبشده ، من اي موضوع اصحاب سوء , تدهور علاقات , حياه سيئة, طريق خاطىء، واكثر ما اخاف عليها منه من الناحيه الدينيه ابيها تكون مجرده من الذنوب ، وبهذي النقطه تحديدا ادركت اني احبها وبشده. قلت لها اشياء اهلي نفسهم مايعرفونها ، صارحتها بمواضيع انا اخاف اني اصارحها لنفسي ، هالبنت ارسلها ربي لي كمعجزة وهدية والله اني احمد ربي عليها كل يوم ماتوقعت وانا اكتب هالسطور اني ابكي من كم المشاعر لكن مابكيت والله الا انها مشاعر صادقه واول مره اعيشها ما اعرف بعد ٣ سنوات ايش بيصير ووش بيكون وضعنا لكن مايسعني الا اني اقول شي واحد بس "يارب استودعتك قطعة من قلبي ف احفظها لي انت خير الحافظين ❤️❤️❤️❤️"