A letter from March 29th, 2023

Dear FutureMe, شلونج رباب أو الرباب lol هاي اني من الماضي ٣ سنوات بالتحديد تاريخ ٢٩ /٢٠٢٣/٣ ساعة ب 3:29 ما اعرف بتحديد يا يوم من رمضان بس مو مهم كلش حاليا اني ب المرحلة الثانية من الكلية ما اعرف شراح يصير بالفاينل لان كضيتها غش هل فترة بمواد معينة انتي وين وصلتي بحياتج عمرج هسه لازم ٢٥ واو هواي ٢٥ نص ايجة تقريبا 😂😂 محمد شلونه بعده وياج لا ؟ و وين صفة بيه الوكت شيشتغل تزوجتو على أقل لا ؟ تخطيتي خوفج من جسمج انو يمكن ميعجبه ؟ عائلتج شلونها اكو واحد قريب منج مات بلجديد ؟ عمي قاسم مات قبل كم شهر خطية من هسه زين اصدقائج بالكلية شلونهم احمد محمد علا فاطمة ضحى ؟ زينين وين صفة بيهم الوكت ؟ انتي لكيتي شغل لا بمجال دراستج لو رحتي لغير شي ؟ راح تكملين دراسات عليا او تسافرين بره لو بس هاي احلام ؟ كملتي تعلم سياقة و كمتي تسوقين بره ع طرقات كملتي وره دورس محمد يعني ؟ اشتريتي سيارة الج استقليتي ماديا عن اهلج ؟ تخرجتي ع اقل ؟ حاليا اني امر بفترة كلش حلوة ويه محمد و اني متأكدة هوه الشخص ال اريد اكمل حياتي وياه اتمنى تكملين حياتج وياه لذاك الوكت وذا لا اتمنى تراسليه علمودي وذا موجود ف اتمنى يعرف انو رباب ام 21 سنة تحبك هواي و تشكرك على اجمل سنوات مرت عليها وياك بسببك راح تبقى انت الوحيد لحبيته صدك بحياتي اتمنى تكونين بخير من الناحية النفسية اتمنى انو كدرين تراجعين دكتور بعد هذا السنوات كلها سافرتي لمصر لا ؟ تغير ذوقج الموسيقي لا ؟ بت عمتج شلونها بعدها تلقدج بكلشي زوجت لا؟ بعدج تشوفين نفسج غبية ما اعرف ليش اني احس بهذا الشعور زين بعدج تقرين كتب اني هسه عندي ٥٠ كتاب تقريبا كدرتي تصيرين سافرة ؟ شصار ب اوضاع العراق الاقتصادية و السياسية منو صار رئيس أمريكا و شصار ع حركة الفاتفوبك و الترانسفوبك منو فازت ب الحرب روسيا لو اوكرانيا ؟ امنويل ماكرون بعده رئيس وزراء فرنسا لا ؟ احمد شلونه ؟ بعده يحب لولو لو عاف هاي السوالف مال أطفال 😝 هواي أسئلة مو اتمنى تجاوبيني برسالة ثانية لنفسج همين اتمنى متكونين منتحرة لان اذا منتحرة اتمنى تنطين البريد ل محمد بعدج تحبين اسم جيسزز كرايست و تحبين الفضاء و المصريين و الرياضة صحيح شكد وزنج هسه تتمرين بعدج لا ؟ اذا زوجتي محمد عائلته شلونهم وياج ؟ تحسن وجهج لا سويتي عملية تجميل لا ؟ بعدها رواية احدب نوتردام روايتج المفضلة ؟ تعلمتي حياكة زين لا ؟ اني متوترة من هسه افكر بشغل و شلون اتخرج وراح تكون فترة صعبة عليه اعرف و الاكتئاب بعد يجيني صحيح سمعني اغنية Billy Joel- Vienna علاقتي ويه اهلي يعني مو هلكد بعدها دفعتيلهم كل فلوس الكلية و الخط ؟ سويتي صفحة و كمتي تشرحين ع أجهزة ع انستا وكذا واخيرا اتمنى حققتي لبالج واتمنى انتي مكاعدة بس هيج متسوين شي احبج اتمنى تكونين سعيدة بهل وكت و ها صحيح عيد ميلاد سعيد من رباب 21 💞