A letter from Mar 29, 2023

تاريخ الارسال : ٢٩/أذار/٢٠٢٣ الساعة ١٢:٤٧ عزيزي عُمر انا ببعتلك هاي الرسالة على امل ان تصلك بالمستقبل ، ما بعرف اذا بعد 5 سنوات من اليوم اذا حنكون سوا بنفس البيت ولا حنكون افترقنا اليوم هو اليوم السادس من رمضان وهاد اول رمضان نكون فيه سوا يمكن بعد خمس سنين ما بنكون افترقنا بس ممكن اكون انتقلت لرحمة الله اذا وصلت هالرسالة وكنت مُتوفية ادعيلي بالرحمة عُمري /عُمرياتي /عُمري دايما بحب اكتب اسمك بضم العين يا ترى شو السبب ؟؟ لانه ما لقيت حدا يضمني قدك حبيتك من كُل قلبي بكل صلاة بصليها دايما بدعيلك دايما بذكرك قبل ما بذكر نفسي حُبك فاقني وتعداني بدي اكون معك وجزء من حياتك يارب لما توصلك الرسالة نكون بنفس البيت ونقرا سوا وبنصير نضحك عليها سوا عُمري ماحبيت حدا بقد ما حبيتك تعرفت عليك 1/11. انا جدا ممتنه لهاد اليوم وممتنه لسارا الي عرفتني عليك اول خروجه معك بحس قلبي كان بدق لدرجه انه حسيته حيطلع من مكانه شفت فيك الحبيب والصديق والاب والام والزوج يارب ما تخيب ضني فيك واثقه فيك لدرجه عاليه جدا اعطيتك الحب والاهتمام جيتني بوقت ما كان بدي احب فيه بس تحديدا بهالفترة انا وقعت فيك ومابدي اوقف الوقعة الحلوة فحياتي الطلعة الثانية كانت ب 17/3 هون انا كسرت اول حاجز كنت بتخيل انه مستحيل اكسره الي هو مسكت ايدك وانت حضنتني تعرف ليه عملت هيك لاني وثقت فيك لدرجة تنازلت عم مبادئي عشانك يا حبيبي بوقتها كنت بصفن فيك بطريقه غبيه او مش غبيه لانه جد حبيتك بوقتها كان نفسي احضنك وارتمي بحضنك وضل بوس فيك لتاني يوم حسيت قلبي فراشات وبده يطير من مكانه هون انا اتأكدت تماما انُه انا " بحبك " هالكلمة الي وعدنا بعض ما نحكيها الا تنخطب ونتزوج في شي خبيناه عنك بهاي الفترة انه خالتو امل رنت على سارا قبل رمضان باسبوع وضلت تسأل عني وتستفسر هون حسيت بكمية الحب تجاهك انه انت مش جاي تلعب وتمزح بالعكس ماخذ الموضوع جدي وبعد اسبوع سارا رنت ع خالتو امل وخبرتها كل شي عني وعن اهلي وحسيت انها ارتاحت عمر ما بدي نفترق بيوم من الايام انا مستعدة اكون جنبك ومعك و داعمك الاول بكل شي بدك اياه الله يخليك ما تروح اول حب بحياتي وبنفسجي الاول بتخيل انه بعد خمس سنوات هالكتاب حيكون منتشر بدور النشر واكون وفيت بوعدي وكتبت قصه حبنا ورسختها للاجيال الجاية تعرف ليه حبيت اكتب هالكتاب لانه كان نفسي اعيش قصه حب كحب روميا وجوليت بس نهايتنا حتكون حلوة الي والك لما خبرتك عن هاي الرساله حكيت ل الي انه ما تعلي سقف توقعاتك بس انا عليت سقف توقعاتي لانه واثقه فيك وبحبك رؤيتي للمستقبل انه بعد خمس سنين حنكون انا وانت ببيت واحد ولما توصلك الرسالة حكون بعملك بالغدا 😂 اما انت حتكون ماسك حمودي بتعرف حيكون بعيط وهيك اووووووه !! كمان شغله انه حتكون كرهان حياتك بسبب انه كل يوم بتجيب حليب و حفوضات انا حكون تعبانه ليه حكون حامل بامل اما عن فترة الوحام ما بخبرك قديه غلبتك فيها بيتنا حيكون كيوت وململم ما حيكون فيه مشاكل 🥹💗 رح نكون متفاهمين جدا خالتو امل رح يبطل اسمها خالتو 😌 رح يصير اسمها حماتي وام زوجي حماتي حتكون بتحبي كثير كثير وحكون الكِنه المعدلة الي الكل بحبها اول شهر او شهرين زواج عزمنا اهلك ع بيتنا بتذكرررر اني جننت امي اتصالت كيف بعمل الاكل 😂😂 اهلي بحبوك كثيييييير لدرجه صاروا بفضلوك علي انا بنتهم 🙁 بتتذكر يوم ولادة محمد ولا احكيلك قبل قبل تتذكر كيف لما اجيت وخبرتك اني حامل كانت ردة فعلك لا توصف حضنتني واهتميت فيني وشلتني عن الارض اه منا انا بعرف كله عشان حمودي 😒 ولا حماتي اموله كيف لما سمعت بالخبر يالله يا عمر كيف كانت بتعيط اول حفيد الها من ابنها اما اليوم حمودي كبر ومدلل من الكل يوم الولادة كنتم كلكم جنبي ومعي كنت كثييييرررر خايفه بس وجودك جنبي سهلها علي خواتك بحبووووني وانا بحبهم وعلاقتي فيهم قويه جدا لانه بعمرنا لا انا ولا انت كنا قاطعين فيهم بالعكس دايما بحكيلك عن صله الرحم باهلك رح نكون عيله متكامله وسعيدة والحياة واخيرا رح تنصفنا وتكون معنا يمكن باول فترة زواج كمت بغار عليك بس اعذرني كنت بخاف وحده تيجي تسرقك مني لليوم ما بقدر انسا لما اجيت تقدمت لي يااااااه !!! ولا عن اول كلمة بحبك حكيتلي اياها هون حست اني ملكت العالم بعرف انه ماريح يجي يوم ان شاء الله ونفترق فيه لانه بعرف انك ما بتقدر تستغني عني وتتركني لانك بتحبني فترة الخطوبه حتكون ما اجمل فترات حياتنا خروجات وحب وغرام اول بوسه منك دوختني خذتني لعالم تاني تماما مو قادرة اتخطاها هههههههههه اخر شي خبرك اياه انه ولادنا رح يكبروا تحت عينا وانا وانت رح نختير سوا ههههههه حتشوف سالي الختياره وحشوف عمر الختيار ونصير نواسي ببعض ونسلي بعض قبل هاد كله نسيت شغله تتذكر لما كنت دايما بحكيلك لا تفقد الامل لانه اليوم انت من اشهر المحامين بالاردن وعم تشتغل بمكتب محاماة واخيرااا كمان قدرت تحقق حلمك وتفتح مكتبك الخاص وهاد كله بفضل جهدك وتعبك يا حبيبي وانا حكون ان شاء الله بشتغل بالوزارات او اذا صحلي منضمه وكوم واخيرا قدرة احقق حلمي واكون سفيرة بحبك يا روح روحي💜💜💜💜💜 وان شاء الله كل ينه بنكون فيها مع بعض حبيبتك ونور عينك ساليتك / سال ❤️❤️❤️❤️❤️❤️