A letter from Mar 16, 2023

Dear FutureMe, كيفك نجد؟ اتمنى الوقت اللي تقرأي فيه الرسالة تكوني اسعد وشعورك بالنجاح اوضح و لقيتي اشياء اكثر تسعدك انا اليوم الحمدلله بخير واهلي بخير ، المفروض اني ابدأ تدريب الجامعة بعد ٣ ايام بس لهسا ما ردولي خبر ولا ردوا خبر لعمو ف الموضوع مقلقني شوي تقريبا يشبه شعور لما خلصت ثانوي واستنى قبول الجامعة اعرف وقت ما تقرأي الرسالة رح نقول وااال الغباء قال قلقانة عشان تدريب بس اتوقع الموضوع اعمق من هيك شوية مش عارفة صراحة ممكن لاني رجعت البيت بعد فترة طويلة بالسكن وشعوري ان هناك حياتي من ٢٠١٨ او ممكن لاني جيت من قطر جديد ولهسا في جواتي جزء حاب اني ارجع واستقر مع بابا هناك بس بابا هيك هيك جاي قريب مشان نكمل تجهيز البيت الجديد ممم ما علينا اه صحيح انا كثير مخربطة هالأيام .. احس متراكم علي ترتيب حياتي انجاز الاشياء اللي علي لازم اربط السي ڤي و اقوي مهاراتي .. غير مشروع التخرج اللي هكلانة همة لان البارتنرز شكلهم مو ناويين نجتهد:((( بس بشكل عام كله الحمدلله تمام نومي مخربط واتمنى واحنا نقرأ هالايميل نكون زبطنا نومنا وصرنا صحيين:))) ودي اسوي مشروع وودي اسجل جيم وودي اخلص ايلتس ان شا الله وقت ما نقرأ هالايميل نكون خلصنا كل الانجازات اللي ببالنا بس الحمدلله قطعنا شوط كبيير بعد رحلة امريكا اللي غيرت نفسيتي ولهسا مو عارفة افسر هالتغيير ممكن بسبب كمية التجارب اللي كانت خارج الصندوق مرة وحدة وان شاء الله التجارب الجاية ما تأثر فينا الا ايجابي حتى لو كانت برا الصندوق ٢٠٢٣ احس انها رح تكون حلوة وفيها احداث حلوة غير تخرجي احس في فعالية حلوة غير متوقعة الله اعلم شوي بشهر ٨ عندي مقابلة السفارة ، كنت احس انه لااا مستحيل اضل بالاردن ولازم اسافر لاني ارتحت هناك اكثر بس حالياً تأقلمت وحسيت انه الوضع مو سيئ حتى لو ضلينا بالاردن مو عارفة هالشعور هو خوف من مشاعر المره الماضية و لا حباً بالاستقرار والروتين بس نقلة البيت الجديد اظن رح تحسن نفسيتي وتعطيني شعور بالاستقرار اكثر يا عمي اهم شي خلصنا من التكنو رغم اني كوين الايجابية بس هالكم اسبوع صايرة العكس… اتمنى قريب يتحسن الموضوع مع التدريب و رمضان و لما ابدأ ادرس ايلتس ممكن احسن الوضع قدمت لوتري ممكن تزبط وممكن لا بس عادي يعني ما رح ازعل لو ما طلعت بس بنفس الوقت اتمنى انه تطلع مش عارفة شو ودنا والله😂🥲 بس دائما لعله خير وين ومتى ما كنتي وانتِ تقرأين هالايميل اتمنى تكوني قطعتي مشوار حلو او على الاقل حافظتي على السلام النفسي و الاستقرار يا رب تكوني ب اسعد الاماكن واحسن الاوضاع وتذكري دائما ان الحياة رحلة وهاي رحلتنا اللي رح نستمتع فيها شو ما كان♥️ امي تخبرني انه لازم نروح نختار اثاث انا وهي رغم كل الفوضى, سعيدة انه لسا واثقة بذوقي hhh ما رح ارجع اقرأ الايميل مره ثانية خليه هيك بمشاعره وكلاكيعه Hope this email finds you well♥️