رسالة لك من 2022/9/19.......

عزيزتي درر, اليوم صار عمري 16, داكبر. ما احب اكبر, احسني بعدني زغيرة على اني اكون مسؤولة عن اي شي تقريبا يصيرلي او مدري. الحياة سهلة. او لا. بس اؤمن انه الفرج قريب. اني اعرف انتي هسا بمكان احسن اكيد. انتي سعيدة, مو وحدج, دتتعلمين وتكبرين. هسا صار عمرج 20!! اتمنى اني ما خذلتج بالماضي. اتمنى انج تقرين الرسالة هسا وتكشريني. اتمنى انج بمكان احسن هسا.. على الاغلب انج حاليا جاي توصلج رسايل تهنئة من احبابج او انج راح تكضين هاليوم كله وية صديقاتج... او وية ويجز كاعدين سوية وانتي في قمة سعادتج. الحمد لله. انتي حاليا لو جاي تدرسين هندسة لو مخلصة وجاي تشتغلين وعايشة بالخارج. اني حاليا احسني جاي اعتني بي الحمد لله على الرغم من قساوة الحياة. احسج بنتي ولازم اعتني بيج هل جاي تضحكين ع الكلام هذا هسا؟؟ حاليا ... الوضع سيء .. بس من صدك الحمد لله اني دا اتحمل كلشي من اجل المستقبل اللي هو هسا حاضرج. عندي هواي احلام.. واتمنى انتي حققتيلياهن.... اريد اصير مهندسة برمجة اسافر للامارات اصير غنية يصير عندي شلة التقي بيه ويحبني عندي ايمان بالله قوي!! اعرف انه احنا حتى نحصل ع شي ممكن نفقد شي ممكن افقد روحي, حياتي, شغفي بالاشياء او حتى فقدان الشغف تجاه ويجز.. يب ويجز, كلش مهووسة بي حاليا. ماعرف ليش؟ بس انو حرفيا موجود بكل مكان.. يوتيوب انستا تيكتوك بنترست فيسبوك. حتى لابتوب اختي. مرات اشوفه بوجوه الناس... افرح وابتسم, اتمنى لو هذا هو صدك اللي واكف كدامي. اعتقد انه هذا الحب الحقيقي!! هو ماعرف اول مشفته عالتلفيزيون كلت بداخلي اه..... احبه؟ ويب بدت قصة حبي وياه من اول نظرة.. حاليا اتمنى اني بس اخلص دراسة او مثلا ابدي اشتغل, يصير شي ويجمعنا. ماعتقد اكو شي صعب على الانسان تحقيقه. ثم اني هواي احبه حاليا. هوس مخيف صراحة, هل اني ملانة وماعندي شي اسويه ف صايرة مهووسة بيه او انه جذاب بس... من كل النواحي. اني جنت استحي اسمع اغانيه كدام الناس او اجيب طاريه او حتى لو جاه طاريه بمكان احس كلبي يوجعني ماريد احد يتذكره او يسمعه او يحجي بيه اغار او اني خجولة بس. اتمنى انج مو مثلي. دايم ما اتخيل نفسي محاطة باصدقائي ووية ويجز. ماعرف يخي احب. "لدي في الخيال حياة" ودنيا وصخام. حت اشتغل وكذا. الله لو عيد ميلادج الجاي يكون ويجز يحتفل وياج مثلا. واااو. بليز لا تفقدين الشغف تجاهه. لانج جنتي تحبيه كلشششش وهو خلا عندج امل بوكت جنتي تحتاجيه. كل ما اسمع صوته ارتاح كلما اشوف وجهه افرح, ممكن اكون مدينة هواي اله بعدين. يخخخخ اعياد ميلادي بيها هواي ذكريات بشعة, اعياد ميلادج خلي بيها ذكريات حلوة بليز. اصدقائج, اهلج, ويجز وكلشي. تكدرين تصنعين الفرق. احبج, هواي. بكد ما احب ويجز, وانتي تعرفين ههههههههههههههههههههههه المهم خل ايمان بالله قوي, وكوني ع يقين انج راح تحصلين على اي شي حتلو تاخر, معليش. الدنيا مراح توكف. تستمر. وانتي ممكن تضحكين على الفاظي البسيطة حاليا لان قاموسج توسع. اذا نتي تقرين هسا ف احب اكلج اننا فعلناها معا. والقادم افضل (واذا جنت مو درر اللي ديقرا هالخريط الفوك احب اكلك كسمك وما حاجة ان ابرر اي شي هذا عقلي وتفكيري واشياءي وخيالي وانت اللي متعدي على خصوصيتي يا عيني ويب باي) 4:22 am ... monday