A letter from Mar 18th, 2022

ازيك يسطا انا عمر نفسك بس جايلك من الماضي اولا عامل ايه اخبارك. كلو تمام؟بص من 4 سنين بالظبط وتحديدا يوم 19 /3/2022 انت كنت شخص مضغوط من ناس وناس اصحابك نصهم بيحبوك اكتر من اخوك (بيبو،باتريك) والنص التاني مش بيطيقوق بدون سبب مهما تعمل معاهم برضو مش بحبوك (فام،يوسف نادر) وفي شويه كده ع جمب مش بيفتكروك غير عشان المصلحه زي (روماني،ستيفن،مايكل) دول عاملين ايه دلوقتي معاك لسه موجودين؟ لسه عايشين؟ لسه بتتكلمو؟ معامتهم اتغيرت و ل ايه؟ مين اصحابك اللي بتامن ليهم دلوقتي واقرب ناس ايك؟ ده جزء حاجه تاني اهلك ايه اخبارهم؟ كويسين؟ مبسوطين؟مين راح؟ مين جه؟ لسه في الخناق اليومي بتاع زمان؟ مشاكل الفلوس بسبب بابا انتهت و المصاريف الزياده ف الاقساط و العربيه انتهت؟ العربيه موجوده؟ يسر كويسه وادم كويس؟تيتا تحت و هناك كويسين وصحتهم كويسه؟ ده جزء تاني انت يا عمر ايه اخبارك؟ مين البنت القريبه ليك او بتكلمها او بتحبها؟هي هي اللي كنت بتحبها وانت ف اولي اعدادي ولا لا؟ولو لا اللي كنت بتحبها ف اولي لسه موجوده وهي فين وايه اخبارها وبتتكلمو مع بعض او بتشوفو بعض؟ مسترقر وليك هيبه و حب وكده ولا زي دلوقتي ولا حالتك بقيت اوحش اجتماعيا؟بتلعب رياضه ايه او بتعمل ايه فيومك بعيد عن ايام الدراسه؟ اعتقد انك هتكون 2 ثانوي ف الوقت اللي بترقا فيه الرساله يارب تكون قد المسؤوليه وتحقق حلمك وحلم كل اللي بيحبوك و تخش كليه حلوه ومحترمه وتشتغل شغل تامن بيه مستقبلك فاكر يا عمر ف سنه اولي اعدادي لما طلعت نتيجه الترم الاو وطلعت جايب 98 في الميه و ساعتها اهلك عيشوك اسبوع من اوحش الاسابيع ف حياتك ويوم النتيجه كان اوحش يوم ف حياتك كل ده عشان 24 درجه وانت كنت قايلهم ع 18 بس ايه وضعك دلوقتي و اهم الحاجات اللي حصلت الفتره اللي فاتت موبايلك ايه دلوقتي انا بكلمك من poco x3 pro دلوقتي معاك ايه حققت احلامك ومستقر نفسيا و زهنيا ولا لا حالتنا المديا ايه؟ يومك ماشي ازاي انت زمان يومك كان عباره عن انك تصحي تمسك الفون تاكل و تمسكه تاني تتخانق مع ابوك اي خناقه و تمسكه تاني لحد ما تنان دلوقتي ايه يوم؟ ايه الصعوبات والضغوتاط اللي واجهتك السنين دي وهل كانت اصعب من ال13 سنه الاولي ليك؟ لسه ف مدرستك ولا غيرت؟ بتصلي وقريب من ربنا ولا لا؟ والله يا عمر ف دماغي كلام كتير و اساله كتير بس كفايه لحد كده كل اللي هقدر اقولهولك برنا يوفققك وتكون احسن من الاول ان شاء الله ❤ وقبل ما تقفل صلي ع النبي و استغفر ربنا وادعي دعوه حلوه ان شاء الله ربنا هيحققهالك السلام عليك و رحمه الله وبركاته ❤ عمر حسام ١٩/٣/٢٠٢٢