Press ← and → on your keyboard to move between
letters
Dear
هايي مريم شلونج اني مريم من 2021 وانتي هسه ب اي سنه اني هسه داوجه رساله من مريم الصغيره الى مريم الكبيره مدري هسه انتي شكاعد تسوين بس اني هسه متمدده ع القنفه وماما دتكنس الكاع وخالو شاكر و بابا ب لنجف يزورون قبر بيبي وزهراء كالعاده ب الغرفه دتدرس و ودلال فاتحه الرينك لايت وتصور ع العموم مريم خلينا نحجي شوي ع هاي السنه شكد صعيه ب النسبه الي واتأذيت بيها و بجيت هواي وضروف صعبه حتا ماتت بيبي بهل سنه اتذكر من ماتت بيبي جنا ب بيت بيبي و هيه فايته غيبوبه ومتحجي ولا تاكل ولا تسوي ايشي بس نايمه والنفس يصعد و ينزل.و اجو بيت فؤاد و اخذوها ب المستشفى و من رجعو حطوها و ع نفس حالتها رحنا اني و علياء وبنين والجهال ب الغرفه و سولفنا و صورونا وصورت بيبي و ما انسا لمن فتت ل الاستقبال الي بيه بيبي و لكيت صابرين بنت فؤاد تصور بيبي و من وكفت تصوير و سدت الموبايل بسرعه وكف نفس بيبي و هي ضلت تعيط وكف نفسهااااا و اجت الجيران واني احس بذاك الوقت دموعي نزلت و صارت حاره و رحت اركض برا واسمع العياط والبجي ورحت وكعدت ب التك تك و ابجي من كللل كلبيي واتذكر ايامنا اني وبيبي شلون جانت تحصنا و تغنيلنا وتقرالنا قصص وتدافع عننا لمن جانت امنا تضربنا والحنيه الي بيها ودموعي تنزل رحت كعدت ب غرفه بيبي اني والجهال ونبجيييي ونجبيييي جان يوم صعب كلش واجا بابا و اتوسل بينا نروح للبيت حتا ناكل و حاول ينسينا واني ابد ما انسا شلون بيبي ماتت كدام عيوني و الطريق كله ابجي ما انسا هل لحضات و حانت بارده والساعه ب 5 ونص العصر تقريبا و اكلت شوي وبدلت ورحنا لكيت بيبي ب التابوت والكل يبجي ويصيح اخخ و ودوها ل النجف و احنا نمنا يم بيت خالو ماشاءالله وصارت هواي شغلات بذاك اليوم بس ما. اكدر احجيها كلهاو هم تعاركت ويه بيت عمتي واراس و ويه بيت فؤاد و اتهموني والضغوط والبجي والمشاكل والضروف الصعبه الي عشتها بهل سنه متنوصف والضغوط النفسيه والدراسيه والتنمر والبجي والاكتئاب الي
صرت بي محد يحس بي واني هلسنه. اول متوسط و رحت ل مدرسه المحمره اني عجبتني هل مدرسه لانو كلها بنات و اني بلابتدائي جنت ضعيفه جنت مكفخه للكل الكل يضربني ويغلط عليه ويتنمرون وكلام جارح واسكت مااحجي شي بس ب المتوسطه تغيرت مريم صرت البنت القويه الي الكل يتمنا يصير مثلها صرت البنت الي مسيطره ع الكل و تاخذ حقها من الكل ومتخاف كلهاذ القهر هو بس ب عمر 12 سنه كلشي شفت وعرفت بس الشي الي احب اكوله الج يا مريم احبج وانتي قويه اعتمدي ع نفسج انتي تكدرين كلشي تسوين وتكسرين راسهم وتدوسين عليه و اتمنا انتي هسه محاميه مثل حلمي هسه حتا اصير ادافع ع نفسي واخذ حقي و مريم ح اسألج كم سؤال وجاوبي عليه.
شكد عمرج صار
بيا سنه انتي هسه
انتي هسه ب اي دوله
اعتمدتي ع نفسج؟
سافرتي؟
صرتي محاميه؟
صرتي قويه والكل يخاف منج
اهلج شديسوون هسه
حققتي احلامج
دلال صارت مشهوره
زهراء شصار وياها
وبس هاي الاسئله و هم اكو فترا مرت ب حياتي تأخرت عليه الدوره هواي و هم تضايقت و فتره كلشش صعبه وكلها دموع وايام صعبه و اني افتخر ب الي عشته وكلش احب
❤️نفسي و احب الحياه و متفائله دائمااا
هسه التاريخ 2021 الاربعاء 19 نوفمبر ساعه. 2:15 وبس اتمنا حياتي تنملى سعاده واحلا ايام يارب بجاه النبي ياربي بجاه الحسين اريد بس السعاذه والسترر والصحه الي و ل
❤️اهلي يارب واتمنا حياتي كلها سعاده وفرح امين يارب
مريم انتي قويه لتستسلمين ابد واتذكري كلشي رح يكون
تمام ولتضوجين نفسج ابدا وبس باي احبج
سلام مريم من 2021
Sign in to FutureMe
or use your email address
Create an account
or use your email address
FutureMe uses cookies, read how
Share this FutureMe letter
Copy the link to your clipboard:
Or share directly via social media:
Why is this inappropriate?