A letter from Nov 14th, 2021

اصايل ، بعد 5 أيام بيصير عمري 20 ، الكلام اللي بقوله لكِ بيوصلك بعد خمس سنين ، بيكون عمرك 25 ، انتي الحين متخرجة ، واتمنى انة تعيشين بشكل كويس ، اتمنى انك تشتغلين ومعاكِ سيارة وعندك راتب وقاعدة تصرفي علك نفسك وتشتري كل شيء تحبينه ، حتى لو ما صارت هذي الأشياء كوني بخير ، انا ابغاكِ تكونين بخير ، تتذكريني صح ، انا اصايل اللي عمرها عشرين اللي تتمنى انها ما نولدت ، اللي ماتملك شيء وتفكر بالموت كل يوم ودايما لوحدها ، اتمنى تكونين لقيتي أحد تشاركينه نفسك ، ما ابغاك تكونين وحيدة زيي .. اتمنى يكون حالك مو نفس حالي انا جزء منك وانتي كل اللي املكه ، الحين انا ما اقدر اسوي شيء بس أؤمن اني لما اتوظف بتتحسن أشياء كثير .. ما اعرف ايش عشتي وما اعرف ايش فقدتي ، لا تخافين مارح اطلب منك شيء وما اتوقع شيء ، اذا كنتي بحال جيد رح افرح واذا كنتي بحال بائس رح اكون معاكِ ومارح الومك على شيء ، لأني رغم الآلام والبؤس اللي اعيشه أؤمن إنك تستحقين الأفضل دايما .. اصايل ، اعرفي انه دايما هذي مو النهاية ، اعرف انه اصعب واسخف شيء انك تؤمني بشيء في هذا الواقع القبيح ، بس عشان ما تفقدني نفسك .. اصايل اذا انتي الحين شخص غير عني ، انا فخورة فيك لأنك تغيرت فيك أشياء للأحسن واذا انتي نفسي او تغيرت فيك أشياء للأسوأ عادي ، انتي انسان .. صح ، سويتي متجر ؟ اعرف انه اثمن شيء تملكينه هو حلمي الحين ودايما افقد شغفي وحماسي له لإني شخص مكتئب وصعب يجيني شعور اتجاه شيء اتمنى انك تملكينه الآن انا قدامك ، قريبة منك ، تكلمي وقوليلي كل شيء ، ابغى اسمعك ايش ماكان اللي بتقولينه .. احبك اصايل ، تماسكي ، ابكي ، لاتفقدي نفسك