A letter from Nov 13th, 2021

ما بعرف اذا رح كون عايشة ل 5 سنين تانين بس حابة اقول لنفسي بتقدري تتغيري ورح تتغير حياتك للاحسن وما بعرف اذا ح تضل مشاعري وحبي لنفس الشخص الي عم حبو هلا او حيضل معي بصراحة خايفة كتير وخاصةً بهالفترا الي عم نمر فيا وبتمنى من كل قلبي تحققي كل احلامك وانتي قوية وبتقدري تكملي شي الي هلا عم تعملي واذا شفت هالرسالة من حالي مستقبلية بحب قلك لا تكوني انسانة اي شخص بيقدر يتحكم فيا ولا تروحي ورا قلبك دائماً فكري بعقلك وبتمنى لوقتى تكوني نضجتي اذا كنتي عايشة لوقتها طبعاً والى شخصي المفضل اذا كنت ح تضل معي يمكن نقرأ هالرسالة مع بعض كلشي بيصير ما حدا بيعرفو شو مخبالو المهم بحب قلك نسرين الي بتحبا هلا هي كمان بتحبك كتير فوق ما اتخيل وبيهما امرك يمكن تقول هي بتهملك بس لا والله ما بتهملك بس انت ما بتنبته لشغلات الي هي عم تعملا كرمالك يمكن ما بتعرف تعبر بس والله هي اكتر وحدي بتحبك هالدنيا كلا اصلاً اذل في وحدي بتحبك وبتخاف عليك ف هي نسرين مشان تعرف وبتمنى لوقتى نكون مع بعض ببيت واحد اذا الله راد وهلا يا نسرين الطريق طويل قدامك ولازم تتحملي لتوصلي ل شي الي بدك ياه وتكون الاوضاع احسن من هلا ونعيش بأمان وسلام ببلدنا يلا انشالله بشوف هالرسالة 2026