A letter from Nov 11th, 2021

لنفسي بعد ٥ سنوات اتمنى انك لسا مع صلاح وتزجتو وحققتو كل شي تتمنوه وتحبيه زي دحين واحسن ♥️ قبل ٥ سنوات من دحين كنتي تدرسي لسا ومضغوطه وقويه وتتمني تكوني مليارديره وانسانه مثقفه وعايشه بحريه مع الشخص الي اخترتيه والتقى قلبك بقلبه لا تنسي ايش تمنيتي وجاهدي عشان تحققيه واذا كنتي تمري بصعوبه حالياً مريتي بصعوبات كتير طول حياتك تذكري انو ربي معاك و انك دايما تقدري تتخطي الصعوبات هذي مهما كانت انتي قويه وتقدري تتخطيها وكل شي حيهون ، حبي نفسك لانك دحين تحبيها وتحاربي عشانها ، لا تنسي احلامك ! انتي قبل ٥ سنوات من دحين كانت علاقتك مع ربي اضعف كيف هيا دحين؟اتمنى انك زدتي ايمان وتقربتي من ربي اكتر♥️ احبك مريم لا تستسلمي تقربي من ربي اكتر هوا حيدلك على الطريق الصح ، ابداي خطوه عشان تسيري مليارديره ابداي خطوه عشان تسيري ذكية ومثقفه زي ما تبي ! اصنعي جيل ومستقبل زي الي تتمنيه اصنعي الفرصة لا تستسلمي حتى لو انك كارهه حياتك حالياً وتحسي انك تعبتي ، عارفه انك تعبتي انا دحين تعبت ونفسي اوقف وماحس في شغف لكن ما تخليت ، انتي كمان لازم ما تتخلي وكوني قويه ! انتي قوية كتير ، تخطيتي اشياء فوق طاقتك وتحملتي كتير وكله عدا وربي سهلها عليك لا تخافي وكوني قويه وتقدري تتخطي الموضوع ما حيكون صعب حبي نفسك اكتر ما عندك شخص تقدري تقولي عنه انه البست فرند لكنك تحبي رزان لسا معاها؟ انتي تحبي نور وخوله لسا معاهم؟ تحبي رفا على انك تحسي الوضع بينكم شوي متحسس بس لسا معاها؟ مريم تحبي صلاح؟وقف معاكي؟جاكي؟ سوا خطوه عشانك؟ سرتي مودل للعبايات نفعك الموضوع ولا سحبتي بسرعه؟ بشرتك تحسنت؟متنتي زي ما تبغي؟ مريم اكلك تحسن ولا لسا ضعيفه؟ ماتعلمتي كاراتيه؟ تزوجتي؟ ساره تزوجت شخص يسترها؟هل كان خالد الي جاها ولا غيره؟ شهد قريبه منك زي دايما؟ مريم توظفتي؟ كوني فخوره بنفسك لانك قويه وجامدة وصبورة محد يقدر يكسرك تاكدي اني كنت احب نفسي وانا اكتب كدا واتمنى انك تحبي نفسك بعد ٥ سنوات من دحين مريم كنتي تحبي احمد ولد اختك مره تغير شي؟ اكتبي رسالة تانيه لنفسك فالمستقبل برضو اتوقع انه من الاشياء الي محفزك عالاستمرار ♥️🤝