A letter from Nov 9th, 2021

سلام عليكم يا انا كيف حالك الحين كيف القدرات والتحصيلي معك وشلون حياتك صحباتك معاك امل والعنود كيفهم وصح كيف لمى ؟ انتي مستانسة الحين ولا متوجعة ؟ ترا كتبت الرسالة قبل اختبار القدرات باسبوع بشري كم طلعت نسبتك (اول محاولة )😭، يارب حلوه يارب عالعموم اتمنى وقت توصلك الرسالة تكوني مستانسة يروحي يالله لما توصلك الرسالة عمرك بيكون ٢٢ يا حلوك يالكبيرة الا ما سألتك تكفين قولي قبلتك الجامعة ؟ ماودي تصدميني طيب طيب اخر سؤال تزوجتي؟ اذا تزوجتي كيف زوجنا حنون ولا ؟ يربي احسه مز مررههه يووه عاد تذكرين لما كنتي متلهفة عالزواج عاد يارب وقتها تكونين متزوجة ابو القهر لو ما تزوجتي حيجيك كف اسمعي كمان تذكرين في اغنية زمان كنتي تحبينها ارجعي اسمعيها اللي هي *مر بي حق طلال مداح * ، طيب توظفتي ولا باقي عاد كنتي تبغين مهندسة بترول بأرامكو وحركات يارب انك سويتيها عاد ما فشلتيني بين العرب ، وايش كمان يا انا تدرين اني احب نفسي واجد طبعًا يا ويلك توصلك رسالتي ذي وانتي حزينة يا ويلك ، وايش كمان ياربي كثرت كلام بس عادي عشان تعرفين انك لما كنتي صغيره كنتي بثره مع ذلك حلوه ، ما قلتي لي يختي تكفين قولي ان طولي زاد مو معقوله حتى وانتي عشرينية قصيرة مب لذي الدرجة قسم قهر ، ماعلينا طيب كيف وزنك ؟ ، صح نسينا شعرك شعرك طال ولا باقي؟ يويلك ان لقيتك قصيتيه مره ثانيه يا ويلك ، كيف حال ماما وبابا ؟ وامجد وسجى وعلي وصلوح؟ اتمنى انكم كلكم طيبين ، كمان ابي اقولك اني احبك كثير يا انا واذا كنتي حزينة الله يعوضني خير المهم ابتسمي الحين يلا اشوف ابتسامتك 🥺الله وش ذي الابتسامة ذوبتيني يا انا يا حلوك والله جميلة جميلة فوق ما تتصورين مهما صار فيني حلوه دائمًا وابدًا اخخ يا زيني ❤❤ ، افف ادري كثرت كلام لكن الله يسعدني ويوفقني يا انا ويكتب لي الخير دائما ويرزقني حياة حلوة جدًا احبك يا انا واهتمي بنفسك ولا تضعفين تمام ؟ خليك قوية زي ما اعرفك .يلا مع السلامة ياعيني 😔❤باي