A letter from Nov 9th, 2021

Dear FutureMe, الساعة الحين 5:07 الفجر يوم الثلاثاء تاريخ 9 نوفمبر سنة 2021 ، ما أدري شلون وضعك الحين حققتي شي من أحلامك ولالا بس واثقة انك بتكونين محققة كل شي نفسك فيه وعندك احلام أكبر وأكبر ، اتمنى تكون شخصيتك أفضل وتكونين مبطلة تعلق بالأشخاص بشكل يؤذيك ، أتمنى إن كل الأشخاص إلي تحبينهم يكونون معك ويدعمونك بكل خطوة ، امانة لا تتضايقين على اشياء ماتسوى وتدخلين لحياتك أشخاص مايقدرونك ، بغض النظر عن كل شي بيصير أنا فخورة فيك ، وما ادري هل بتتمين تتابعين مسلسلات كورية وتحبين بلاكبينك ولا تغيرتي وماعاد لك وقت حتى لو تغيرتي لا تتخلين عن هالأشياء الي بتكون جزء من شخصيتك ! ، الحين عمرك 26 مع اني كنت ابي هالرسالة توصلك بعمر 25 ياترى احرزتي تغير كبير او لا ؟ بكون حزينة لو وصلتك هالرسالة وما انجزتي شي يذكر ، بس يمديك لو ماحققتي بعد هالرسالة تسعين لحلمك ، كان ببالك تصدرين روايتك بسنة 2024 اصدرتيها او لا وهل حققت نجاح ؟ انا واثقة انها بتكون اعجوبة ، كتبت كلام كثير بس اتمنى انك تكونين سعيدة مع اشخاص تحبينهم وان كل شي تحبينه مايفارقك ، عارفة بيجيك شعور غريب لما تقرينها بس لا تتضايقين يارب تجيك بأسعد لحظاتك وتزيدك سعادة ❤❤❤❤❤